Litsebiso

◼ Lingoliloeng tse tsamaisoang ka February: Lekunutu la Thabo ea Lelapa. March: Ha e le Hantle ke Eng Seo Bibele e se Rutang? April le May: Limakasine tsa Molula-Qhooa le Tsoha!

◼ Puo ea phatlalatsa e khethehileng ea nako ea Sehopotso sa 2009 e tla ba le sehlooho se reng “Na ho na le Bolumeli ba ’Nete ho ea ka Pono ea Molimo?” Sheba tsebiso e amanang le ena Tšebeletsong ea Rōna ea ’Muso ea September 2008.

◼ Ho lokiselitsoe hore ho be le kopano e khethehileng ea letsatsi ea Sepotoketsi ka la 7 March, 2009 le kopano ea potoloho ea Sepotoketsi ka la 25 le la 26 July, 2009. Likopano tsena li tla tšoareloa Holong ea Kopano ea Eikenhof.

◼ Le tla thabela ho tseba hore ho na le Liholo Tsa ’Muso tse ’nè tse sa tsoa neheloa ho Jehova. Phutheho ea Serowe (Botswana), Tlhabane (Rustenburg), Virginia le Pretoria East li thabile haholo hore ebe li na le libaka tse ncha tsa borapeli.