Litsebiso

◼ Lingoliloeng tse tsamaisoang ka March: Ha e le Hantle ke Eng Seo Bibele e se Rutang? April le May: Limakasine tsa Molula-Qhooa le Tsoha! June: Ha e le Hantle ke Eng Seo Bibele e se Rutang?

◼ Bahoeletsi ba lokela ho fuoa likhatiso tse ncha tsa Molula-Qhooa le Tsoha! hang feela ha li fihla. Sena se tla thusa bahoeletsi hore ba tsebe litaba tse ka har’a tsona pele ba li tsamaisa tšimong.

◼ Mohokahanyi oa sehlopha sa baholo o lokela ho hlahloba liak’haonte tsa phutheho tsa khoeli ea December, January le February kapa a kōpe motho e mong hore a li hlahlobe. Ha hoa lokela hore ho sebelisoe motho a le mong ka makhetlo a latellanang. Haeba ho e-na le ak’haonte e ’ngoe ea banka, mohlomong ea tokiso kapa ea kaho, le eona e lokela ho hlahlojoa. Liphutheho tsa Afrika Boroa li lokela ho romela liak’haonte tse hlahlobiloeng tsa likhoeli tsena tse tharo ofising ea lekala kapele-pele. Mongoli le mohlanka oa liak’haonte ba lokela ho etsa bonnete ba hore liak’haonte li feletse ’me li hlophisitsoe ka makhethe le hore ho fanoe ka lintho tse latelang: Leqephe la Liak’haonte (S-26), Tlaleho ea Liak’haonte Tsa Phutheho ea Khoeli le Khoeli (S-30), Lirasiti (S-24), maqetšoana a litšenyehelo le seteitemente sa banka sa khoeli ka ’ngoe (haeba phutheho e e-na le ak’haonte ea banka). Ngolang ka ho hlaka hore li ea Accounting Office—PBO Registration.