Tlhahlobo ea Sekolo sa Tšebeletso sa Puso ea Molimo

Lipotso tse latelang li tla tšohloa Sekolong sa Tšebeletso sa Puso ea Molimo bekeng e qalang ka la 26 April, 2010. Molebeli oa Sekolo o tla tsamaisa tlhahlobo ea metsotso e 20 e thehiloeng lintlheng tse tšohliloeng lipuong tsa beke ea la 1 March ho ea ho la 26 April, 2010.

1. Naomi o ne a bolela’ng ha a re ke “Jehova ea nkokobelitseng le Ea Matla ’Ohle ea mpaketseng tlokotsi”? (Ruthe 1:21) [w05 3/1 leq. 27 lir. 1, 3]

2. Ke eng e ileng ea etsa hore Ruthe a be le botumo ba ho ba “mosali ea khabane ka ho fetisisa”? (Ruthe 3:11) [w05 3/1 leq. 28 ser. 6]

3. Mantsoe a Elkana a reng “na ha ke molemo ho uena ho feta bara ba leshome” a ile a matlafatsa mosali oa hae joang? (1 Sam. 1:8) [w90 3/15 leq. 27 ser. 5-6]

4. Ke hobane’ng ha ho ne ho fosahetse hore Baiseraele ba kōpe morena? (1 Sam. 8:5) [w05 9/15 leq. 20, ser. 17; it-2-E leq. 163 ser. 1]

5. Ha Samuele a se a “tsofetse ebile [a le] hlooho e putsoa,” o ile a beha mohlala o ikhethang joang tabeng ea ho rapella batho ba bang ’me see se bontša’ng? (1 Sam. 12:2, 23) [w07 6/1 leq. 29 lir. 14-15]

6. Ke hobane’ng ha Saule a ile a bontša Bakene mosa o khethehileng? (1 Sam. 15:6) [w05 3/15 leq. 22 ser. 10]

7. Ke hobane’ng ha Saule a ile a re ho Davida, “U mora oa mang, moshanyana?” (1 Sam. 17:58) [w07 8/1 leq. 31 lir. 3, 5]

8. Re ka ithuta’ng tseleng eo ka eona Davida a ileng a sebetsana le bothata bo tebileng ha a le Gathe? (1 Sam. 21:12, 13) [w05 3/15 leq. 24 ser. 5]

9. Jonathane o ile a bontša joang hore o rata motsoalle oa hae Davida le hore o ikokobelitse ha ho ne ho hlokahala hore a mo tšehetse a be a mo khothatse? (1 Sam. 23:17) [lv leq. 28 ser. 10, ftn.]

10. Re ithuta’ng tabeng ea ha Saule a ea ho moloi oa Ene-dore? (1 Sam. 28:8-19) [w05 3/15 leq. 24 ser. 8]