Lintlha-khōlō Tsa Tšebeletso ea Tšimo

Ho tloha ka 1993 barab’abo rōna ba 271 ba masoha ba bile Sekolong sa ho Koetlisetsoa Bosebeletsi (seo kajeno se seng se bitsoa Sekolo sa Bibele sa Barab’abo Rōna ba Masoha) se tšoareloang Zambia. Ka 2010 barab’abo rōna ba bang ba 29 ba ile ba qeta lithuto tsa bona sekolong sena. Boholo ba bara bana babo rōna ba tšebeletsong ea nako e tletseng; ba 74 ke bo-pula-maliboho ba kamehla, ba 64 ke bo-pula-maliboho ba khethehileng ’me ba 36 ke balebeli ba potoloho kapa ba setereke. Ho hlokahala barab’abo rōna ba eketsehileng ba masoha ba ka ithaopelang ho ea sekolong sena se babatsehang.