Lintlha-khōlō Tsa Tšebeletso ea Tšimo

Bahoeletsi le bo-pula-maliboho ba sebetsang tlas’a lekala la Afrika Boroa ba sebelitse ka thata khoeling ea May, ka mor’a mosebetsi o motle o ileng oa etsoa khoeling ea March le ea April. Botswana e tlalehile tlhōrō e ncha ea bo-pula-maliboho ba kamehla ba 211. Namibia e fihletse litlhōrō tse peli tse ncha: bo-pula-maliboho ba kamehla ba 191 le bahoeletsi ba 1 950. Afrika Boroa e fihletse litlhōrō tse tharo tse ncha: bo-pula-maliboho ba kamehla ba 9 130, bahoeletsi ba 92 255 le lithuto tsa Bibele tse 132 008. Sehlekehleke se senyenyane sa St. Helena se boetse se ile sa thabela ho ba le bahoeletsi ba 120 ba ileng ba kopanela mosebetsing oa ho bolela litaba tse molemo moo ho nang le baahi ba ka tlaase ho 4 000. Rea le babatsa ka ho kopanela mosebetsing oa ho bolela ‘litaba tse molemo’ le oa ho etsa ‘batho barutuoa’ tšimong eohle e ka tlas’a lekala la rōna.—Mat. 24:14; 28:19, 20.