Lintlha-khōlō Tsa Tšebeletso ea Tšimo

Bahoeletsi le bo-pula-maliboho ba sebetsang tlas’a lekala la Afrika Boroa ba sebelitse ka thata khoeling ea October 2012. Botswana e tlalehile bo-pula-maliboho ba thusang ba 84 ba bontšitseng cheseho e khōlō tšebeletsong. Bahoeletsi ba Lesotho le bona ba tšoaneloa ke pabatso bakeng sa tema eo ba e khathileng tšebeletsong ea tšimo: ba tlalehile hore ka kakaretso mohoeletsi a le mong o sebelitse lihora tse 11,8 ka khoeli ebile o khanna thuto e le ’ngoe ea Bibele. Re thabela ho le tsebisa hore Namibia e tlalehile tlhōro e ncha ea bo-pula-maliboho ba kamehla ba 201. Ena ke tlhōrō ea bone e finyelletsoeng ka tatellano Namibia ea bo-pula-maliboho ba kamehla. Pele ea pele bara le baralib’abo rōna, ka sebele le bile le ho “hongata mosebetsing oa Morena.”—1 Bakor. 15:58.