PHELA JOALOKA MOKRESTE
Bacha—Le se ke la Lieha ho Kena ka “Monyako o Moholo”
Ha motho a le mocha ho bonolo ho nahana hore a ke ke a tsofala ebe o fihleloa ke “matsatsi a tlokotsi” tsamaisong ena ea Satane. (Moe 12:1) Haeba u mocha, na u nahana hore u sa ntse u e-na le nako e ngata ea hore u nahane ka ho ba tšebeletsong ea nako e tletseng?
“Bohle ba hlaheloa ke nako le ketsahalo e sa lebelloang,” ho akarelletsa le bacha. (Moe 9:11) “Ha le tsebe hore na bophelo ba lōna bo tla ba joang hosasane.” (Jak 4:14) Kahoo, u se ke ua chechisa nako ea ho sebeletsa Jehova ho sa hlokahale. Kena ka “monyako o moholo o isang tšebetsong” o sa ntse o butsoe. (1Ko 16:9) U ke ke ua ikoahlaea.
Seo u ka ikemisetsang ho se etsa ho ntlafatsa kamano ea hao le Jehova:
Ho bolela litaba tse molemo ka puo e ’ngoe
Ho ba bopula-maliboho
Ho ea likolong tsa puso ea Molimo
Mosebetsi oa ho haha
Tšebeletso ea Bethele
Mosebetsi oa potoloho