PHELA JOALOKA MOKRESTE
Hopola ho Rapella Bakreste ba Hlorisoang
Bibele e boletse e sa le pele hore Satane o tla re sitisa ho sebeletsa Molimo ka hore a re hlorise. (Joh 15:20; Tše 12:17) Re ka thusa Bakreste ’moho le rona ba hlorisoang linaheng tse ling joang? Re ka ba rapella. “Thapeli ea motho ea lokileng, ha e sebetsa, e na le matla a maholo.”—Jak 5:16.
Re ka bua ka eng lithapelong tsa rona? Re ka kopa Jehova hore a fe Bakreste ’moho le rona sebete le hore ba se ke ba tšoha. (Esa 41:10-13) Ra rapella le hore batho ba busang ba se ke ba thibela mosebetsi oa rona “e le hore re ka tsoela pele re phela bophelo bo khutsitseng le bo thotseng.”—1Ti 2:1, 2.
Ha Pauluse le Petrose ba ne ba hlorisoa, Bakreste ba bang ba ile ba ba bitsa ka mabitso ha ba ba rapella. (Lik 12:5; Bar 15:30, 31) Le haeba re sa tsebe mabitso a Bakreste ’moho le rona ba hlorisoang, re ka rapella liphutheho tseo ba leng ho tsona kapa libaka tseo ba phelang ho tsona.