Na U Bona Kamoo Jehova a Arabelang Lithapelo Tsa Hao Kateng?

Bibele e tletse ka mehlala ea lithapelo tseo Jehova a ileng a li araba. Ha bahlanka ba Jehova ba ne ba bona kamoo a ba mamelang le ho ba thusa kateng ha ba e-na le mathata, tumelo ea bona e ne e matlafala. Kahoo, ho molemo hore ha re rapela re tobe taba e le hore re ka bona ha Jehova a arabela lithapelo tsa rona. Lula u hopola hore karabo ea hae e ka fapana le seo u neng u se lebeletse kapa ea feta seo u neng u se kopile. (2Ko 12:​7-9; Ef 3:​20) Jehova a ka ’na a araba likopo tsa rona joang?

• A ka re fa matla, a re thusa ho khoba matšoafo le ho re fa tumelo e le hore re ka sebetsana le mathata a rona.​—Fil 4:13

• A ka re fa bohlale e le hore re etse liqeto tse nepahetseng.​—Jak 1:5

• A ka re fa boikemisetso le matla a ho etsa ntho e itseng. ​—Fil 2:13

• A ka re fa khotso ha re tšoenyehile.​—Fil 4:​6, 7

• A ka sebelisa batho ba bang ho re thusa ka seo re se hlokang le ho re tšelisa.​—1Jo 3:​17, 18

• A ka thusa batho bao re ba rapellang.​—Lik 12:​5, 11

SHEBELLANG VIDEO EA JEHOVA KE EA “UTLOANG THAPELO” EBE LE ARABA LIPOTSO TSE LATELANG:

• Mohlala oa Mor’abo rona Shimizu o ka re matlafatsa joang ha re se re sa khone ho etsa lintho joaloka pele ka lebaka la ho kula?

• Re ka etsisa mohlala oa Mor’abo rona Shimizu joang?