LA 1-7 APRIL
PESALEME EA 23-25
Pina ea 4 le Thapelo | Seo re Tl’o Ithuta Sona (1 mots.)
1. “Jehova ke Molisa oa ka”
(10 mets.)
Jehova oa re tataisa (Ps 23:1-3; w11 5/1 31 ¶3)
Jehova oa re sireletsa (Ps 23:4; w11 5/1 31 ¶4)
Jehova oa re fepa (Ps 23:5; w11 5/1 31 ¶5)
Jehova o hlokomela bahlanka ba hae joalokaha molisa ea lerato a hlokomela linku tsa hae.
IPOTSE, ‘Jehova o bontšitse joang hore oa ntsotella?’
2. Matlotlo a Patiloeng
(10 mets.)
Ps 23:3—‘Litsela tsa ho loka’ ke’ng hona ke eng e ka re thusang hore re se ke ra khaotsa ho tsamaea ho tsona? (w11 2/15 24 ¶1-3)
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Ps 23:1–24:10 (th khaolo ea 5)
4. Ha u Qala Moqoqo
(3 mets.) BUA LE BATHO HA MONYETLA O HLAHA. Balla motho ea tšoenyehileng ka maemo a tikoloho temana ea Bibele e khothatsang. (lmd thuto ea 2 ntlha ea 5)
5. Khutlela ho Batho
(4 mets.) KA NTLO LE NTLO. Bontša motho ea ileng a amohela bukana ea U ka Thaba ka ho sa Feleng! hore na re ithuta Bibele le batho joang. (lmd thuto ea 9 ntlha ea 3)
6. Ho Etsa Barutuoa
Pina ea 54
7. Ha re Mamele Lentsoe la Motho e Mong
(15 mets.) Puisano.
Linku li latela molisa oa tsona ebile li tseba lentsoe la hae. Ka lehlakoreng le leng, lia baleha ha li utloa lentsoe la motho e mong hobane li sa le tsebe. (Joh 10:5) Ka ho tšoanang, le rona re mamela mantsoe a Balisa ba rona ba lerato le ba tšepahalang e leng Jehova le Jesu. (Ps 23:1; Joh 10:11) Empa ha re mamele “mashano” a batho ba batlang ho fokolisa tumelo ea rona.—2Pe 2:1, 3.
Genese khaolo ea boraro e bua ka lekhetlo la pele ha motho e mong osele a bua. Satane o ile a sebelisa noha ho bua le Eva. Kahoo, Eva o ne a sa tsebe hore na ha e le hantle o ne a ntse a bua le mang. Satane o ile a etsa eka ke motsoalle oa Eva ’me a bua mashano ka merero ea Jehova le ka seo a neng a se buile. Ka masoabi, Eva o ile a mo mamela ’me sena se ile sa bakela eena le lelapa la hae mathata.
Kajeno Satane o etsa hore re belaelle Jehova le mokhatlo oa hae a sebelisa litlaleho le mashano a khelosang. Re lokela ho balehela hole le mantsoe a motho eo eseng molisa oa rona. Ho khalla ho utloa mantsoe ao le ho a mamela nako e khutšoanyane feela ho kotsi. Satane o ile a bua mantsoe a ’maloa feela ho khelosa Eva. (Ge 3:1, 4, 5) Re lokela ho etsa’ng haeba motho eo re mo tsebang kapa ea re ratang a batla ho bua le rona ka litaba tse fosahetseng ka mokhatlo oa Jehova le hoja a etsa seo ka sepheo se setle?
Shebellang VIDEO ea U se ke oa Mamela Lentsoe la Motho e Mong ebe u botsa bamameli potso ena:
U ithutile’ng ho seo Lipontšo a ileng a se etsa ha ’mè oa hae eo eseng Paki a ne a batla ho buisana le eena ka litaba tse fosahetseng ka mokhatlo oa Jehova?
8. Thuto ea Bibele ea Phutheho
(30 mets.) rr karolo ea 3, khao. 8 ¶1-7 le video ea selelekela