Bakreste ba Bontšana Lerato Nakong ea Koluoa

LITŠISINYEHO tsa lefatše, litsunami le ho foqoha ha seretse se chesang li tloaelehile haholo Indonesia. Nakong eo ho e-bang le likoluoa tsena, batho ba Jehova ba potlakela ho thusa ba bang, haholo-holo Bakreste-’moho le bona. Ka mohlala, ka 2005 tšisinyeho e khōlō ea lefatše e ile ea senya Gunungsitoli, e leng toropo e khōlō ka ho fetisisa ea Sehlekehleke sa Nias, North Sumatra. Ofisi ea lekala hammoho le liphutheho tse haufinyane tsa sehlekehleke sa Sumatra li ile tsa romela liphallelo hang-hang. Molebeli oa potoloho le mor’abo rōna ea tsoang ofising ea lekala ba ile ba ea sehlekehlekeng seo ho ea khothatsa bara le barali ba bo rōna. Moholo e mong oa Nias ea bitsoang Yuniman Harefa o re: “Batho ba ne ba tšohile haholo. Empa tsela e potlakileng eo mokhatlo oa Molimo o ileng oa re phallela ka eona e ile ea re bontša hore oa re tsotella.”