Pina ea 35

Tsela e Tsotehang ea Lerato

(1 Ba-Korinthe 13)

1. O! Molimo, o lerato;

A re tsamaeeng ratong.

Rata ’Mōpi le oa heno

Linthong tsohle bophelong.

Ha re na le tsebo eohle

Puong le boprofeteng,

Ha lerato le le sieo,

Ha re tsamaee ’neteng.

2. Ha re ruta batho bohle,

Re mamelle tlhoriso;

Na ho tla ba le molemo

Ha re sena lerato?

Rato le bonolo, mosa,

Ha le mekhoa e mebe,

Ha le’ikhantše ha le mōna,

Le hloekile kannete.

3. Rato ha le thatafale,

Ha le rate bokhopo.

Le mamella lintho tsohle,

Le thabela tsa toko.

Tšepo, rato le tumelo

Ruri tsona li khōlō;

Empa tsela ea lerato

E tsoteha haholo.