Pina ea 110

Tšoarelanang

(Ba-Efese 4:32)

1. Ka lerato re thusitsoe

Ho tsoa tleneng tsa sebe

Ha Jehov’a roma Jesu

Ho tla shoela lefatše.

Ha re bontša pako’a ’nete

Re ka kōpa tšoarelo

Motheong oa sehlabelo

Sa Kreste sa topollo.

2. Empa Molim’o tšoarela

Bao ho tšoana le eena,

Ba tšoarelang batho bohle,

Hape ba hauhela.

Kaha ha re’a phethahala,

Re atisa ho fosa

Ka leleme le liketso,

Re hloka ho tšoareloa.

3. Ho tšoarela ho qobisa

Ho hlonamela ruri,

’Me ka hona re ka bontša

Le lereko la ’Mōpi.

Tšoarelano’e supa hantle

Kamoo re hōtseng tsebong,

E re thusa hore rōna

Le ba bang re be khotsong.

4. Ke ntho e ntle ho tšoarela,

Bohle re ho hlaolele.

Ho re thusa ho se etse

Lira empa metsoalle.

Ha re tšoarela kannete,

Re etsisa Jehova,

O thabela ho tšoarela,

Ke Molimo o mosa.