Liofisi tse Khōlō tsa Lipaki tsa Jehova-ka Litšontšo
NTLO-KHŌLŌ EA LEFATŠE EA LIPAKI TSA JEHOVA
[Setšoantšo se leqepheng la 352, 353]
Mosebetsi oa lefatše ka bophara oa Lipaki tsa Jehova o ’nile oa hlokomeloa ho tsoa Brooklyn, New York, U.S.A., ho tloha ka 1909. Meaho ena e bile liofisi tsa ntlo-khōlō ho tloha ka 1980
[Setšoantšo se leqepheng la 352]
Setsi sa Watchtower sa Thuto, Patterson, New York (ha se ntse se hahoa ka 1992)
[Litšoantšo tse leqepheng la 353]
E meng ea meaho ea bolulo bakeng sa ba likete ba sebeletsang ntlo-khōlōng ea lefatše
[Litšoantšo tse leqepheng la 354]
Meaho eo pele e neng e le lihotele Brooklyn e nchafalitsoe hore e fane ka bolulo bakeng sa basebetsi ba baithaopi ba fetang 1 476
[Litšoantšo tse leqepheng la 354]
Meaho ea bolulo bakeng sa lelapa la Bethele Wallkill, New York
[Litšoantšo tse leqepheng la 354, 355]
Meahong ena ea fektheri (Brooklyn, New York) Libibele, libuka, le libukana tse lekanang le makasine li hatisoa ka lipuo tse 180 bakeng sa ho abuoa lefatšeng lohle
[Litšoantšo tse leqepheng la 356]
Lik’hasete tse limillione tsa “audio” tsa boitsebiso ba Bibele li etsoa fekthering ena e Brooklyn selemo le selemo. Ho boetse ho romelloa thepa ho tsoa mona. Lingoliloeng tsa Bibele tse fetang litone tse 15 000 le boitsebiso bo bong bo romelloa likarolong tsohle tsa lefatše ka selemo
[Litšoantšo tse leqepheng la 356]
Fekthering ena e Watchtower Farms, haufi le Wallkill, New York, ho hatisoa likopi tse limillione tse makholo tsa “Molula-Qhooa” le “Tsoha!,” ka lipuo tse 14, ka selemo
Lipaki tsa Jehova le mekhatlo ea molao eo li e sebelisang li na le liofisi le libaka tsa khatiso likarolong tse ngata tsa lefatše. Litšoantšo tse leng maqepheng a latelang li bontša e mengata ea meaho ena le hoja e se eona kaofela. Moo ho neng ho ntse ho hahoa meaho e mecha ka 1992, ho bontšitsoe lipolane. Lipalo tse fanoeng ke tsa 1992.
AMERIKA LEBOEA LE WEST INDIES
ALASKA
[Litšoantšo tse leqepheng la 357]
Batho ba etelang ofisi ea Mokhatlo ea lekala ba amoheloa ka mofuthu. Mona Alaska, joaloka libakeng tse ling, Lipaki tsa Jehova li bolela ka ntlo le ntlo, le hoja ka linako tse ling mohatsela o theohela ho -50° C.
[Setšoantšo se leqepheng la 357]
Sefofane se neng se sebelisoa ho isa bahoeletsi ba ’Muso libakeng tse hōle tsa tšimo
BAHAMAS
[Setšoantšo se leqepheng la 357]
Lingoliloeng tsa Watch Tower li ile tsa fihla Bahamas ka 1901. Bopaki bo tloaelehileng bo ile ba etsoa mona ka lekhetlo la pele ka 1926. Ho tloha ka nako eo, lingoliloeng tsa Bibele tse fetang 4 600 000 li ile tsa abuoa lihleke-hlekeng tseo hona joale li hlokomeloang ke ofisi ena.
BARBADOS
[Litšoantšo tse leqepheng la 358]
Lihlopha tse ka bang 140 tsa bolumeli Barbados li ipolela hore ke tsa Bokreste. Ho tloha ka 1905, Lipaki tsa Jehova li ’nile tsa thusa batho mona hore ba iponele se boleloang ke Bibele.
BELIZE
[Litšoantšo tse leqepheng la 358]
Hoo e ka bang halofo ea baahi ba Belize ba lula libakeng tsa mahaeng. E le hore li fihle metseng e meng e ka hare-hare, Lipaki tsa Jehova li nka maeto hanngoe ka selemo li tsamaea ka maoto li jere likhetsi le mekotla ea libuka.
COSTA RICA
[Setšoantšo se leqepheng la 358]
Mokhatlo o ile oa qala ho theha ofisi ea lekala Costa Rica ka 1944. Ho tloha ka bo-1950, baahi ba Costa Rica ba kopanelang borapeling ba ’nete ba bile likete.
DOMINICAN REPUBLIC
[Litšoantšo tse leqepheng la 359]
Lingoliloeng tsa Watch Tower li ile tsa abjoa mona khale hoo e ka bang ka 1932. Empa ho ruta batho ba thahasellang ho qalile ka 1945, ha baromuoa bana ba bontšitsoeng ka ho le letšehali ba fihla. Lilemong tsa morao tjena ha batho ba mashome a likete ba chesehela ho ithuta Bibele le Lipaki tsa Jehova, ho ile ha hlokahala meaho ena ea lekala.
EL SALVADOR
[Litšoantšo tse leqepheng la 359]
Ho ile ha fanoa ka bopaki bo itseng mona ka 1916. Leha ho le joalo, e bile ka 1945 ha bonyane motho a le mong El Salvador a tšoaneleha bakeng sa qoeliso ea Bokreste ea metsing (joalokaha ho bontšitsoe mona). Ho tloha ka nako eo, ba eketsehileng ba likete ba fetohile bahlanka ba Jehova.
GUADELOUPE
[Litšoantšo tse leqepheng la 359]
Karolelano ea mohoeletsi ho baahi tšimong e sebeletsoang ke lekala lena ke e ’ngoe ea tse ntle ka ho fetisisa lefatšeng. Batho ba bangata Guadeloupe ba amohela litaba tse molemo ka kananelo.
CANADA
[Litšoantšo tse leqepheng la 360, 361]
Ofisi ea Mokhatlo Canada e hlokomela boboleli ba litaba tse molemo naheng ea bobeli e khōlō ka ho fetisisa lefatšeng. Baboleli ba ’Muso ba fetang 100 000 ba tšoarehile naheng ena.
Moaho oa tsamaiso (le setšoantšo se ka morao sa moaho oa lekala hona joale)
[Setšoantšo se leqepheng la 360]
Masimo a ka Leboea-bochabela
[Setšoantšo se leqepheng la 360]
Libaka tsa ho rema lifate British Columbia
[Setšoantšo se leqepheng la 360]
Metebo ea likhomo ea Alberta
[Setšoantšo se leqepheng la 361]
French Quebec
[Setšoantšo se leqepheng la 361]
Liprofensi tsa Maritime
GUATEMALA
[Litšoantšo tse leqepheng la 360]
Le hoja Sepanishe e le puo ea molao Guatemala, ho buuoa lipuo tse fapa-fapaneng tse rarahaneng tsa Maindia mona. Ofisi ea Mokhatlo e leka ho tiisa hore motho e mong le e mong o fumana monyetla oa ho utloa ka ’Muso oa Molimo.
HAITI
[Litšoantšo tse leqepheng la 361]
Ho sebeletsa Jehova ho tlisa thabo e khōlō ho Lipaki tsa Jehova Haiti, ho sa tsotellehe maemo ao hangata a bang boima ao li phelang har’a ’ona.
HONDURAS
[Litšoantšo tse leqepheng la 362]
Ho tloha ka 1916, ho sebelisitsoe lihora tse ka bang 23 000 000 ho rutoa baahi ba naha ena Bibele. Ka linako tse ling, Lipaki tsa Jehova li boetse tsa tlameha ho ruta batho ho bala le ho ngola (joalokaha u bona mona) ho ba nolofalletsa hore ba ithute Lentsoe la Molimo ka bobona.
JAMAICA
[Litšoantšo tse leqepheng la 362]
Batho ba makholo Jamaica ba ile ba fetoha bahlanka ba Jehova ba inehetseng nakong ea ha bao e neng e tla ba majalefa a ’Muso oa leholimo ba ne ba bokelloa. Ho tloha ka 1935, ba eketsehileng ba likete ba kopanetse ho boleleng molaetsa oa ’Muso. Ofisi ena ea lekala e haheloa ho thusa ho hlokomela litlhoko tsa bona tsa moea.
LEEWARD ISLANDS (ANTIGUA)
[Litšoantšo tse leqepheng la 362]
Khale hoo e ka bang ka 1914, litaba tse molemo li ne li boleloa lihleke-hlekeng tseo hona joale li hlokomeloang ke ofisi ena. Haesale ho tloha nakong eo, khafetsa batho ba leng karolong ena ea lefatše ba ’nile ba memeloa ho ‘nka feela metsi a bophelo.’—Tšen. 22:17.
MEXICO
[Litšoantšo tse leqepheng la 363]
Setsi se secha sa thuto ea Bibele se ntse se hahoa ke Lipaki tsa Jehova Mexico
[Setšoantšo se leqepheng la 363]
Liofisi tse neng li sebelisoa ka 1992
[Litšoantšo tse leqepheng la 363]
Lingoliloeng tsa Bibele tse hatisitsoeng mona li fumanoa ke Lipaki tse chesehang tsa Mexico tse fetang 410 000 le linaheng tse ling tse haufi tse buang Sepanishe
[Setšoantšo se leqepheng la 363]
Ho tloha ka 1986 ho ea ho 1992, karolo e fetang ea 10 lekholong ea lithuto tsa Bibele tse khannoang ke Lipaki lefatšeng ka bophara e bile Mexico, bongata ba tsona e le tse khannoang le lihlopha tsa malapa
[Krafo e leqepheng la 363]
(Ha u batla ho bona boitsebiso bo hlophisitsoeng hantle, sheba sengoliloeng)
Lithuto tsa Bibele Mexico
500 000
250 000
1950 1960 1970 1980 1992
MARTINIQUE
[Litšoantšo tse leqepheng la 364]
Lipeō tsa ’nete li ile tsa jaloa mona khale hoo e ka bang ka 1946. Empa ha Xavier le Sara Noll (ba bontšitsoeng mona) ba tla ba tsoa Fora ka 1954, ba ile ba khona ho lula le ho hlaolela thahasello e fumanoeng. Ka 1992, batho ba fetang 3 200 ba ne ba kopanela le bona ho boleleng molaetsa oa ’Muso.
NETHERLANDS ANTILLES (CURAÇAO)
[Litšoantšo tse leqepheng la 364]
Baromuoa ba 23 ba sebelelitse tšimong ea ofisi ena ea lekala. Ba babeli ho tsoa sehlopheng sa pele (ba bontšitsoeng mona) ba fihlileng ka 1946 ba ne ba ntse ba sebetsa ka 1992.
NICARAGUA
[Litšoantšo tse leqepheng la 364]
Ho tloha ka 1945, ha baromuoa ba fihla, Lipaki tsa Jehova Nicaragua li ile tsa qala ho eketseha. Ka 1992 li ne li feta 9 700. Batho ba batlang hore Lipaki li ba rute Bibele hona joale ba feta Lipaki tsa sebaka seo ka palo.
PANAMA
[Litšoantšo tse leqepheng la 365]
Ho tloha bofelong ba lekholo la bo19 la lilemo, batho ba Panama ba ’nile ba fumana thuso ea ho ithuta se hlokoang ke Molimo bakeng sa bophelo bo sa feleng.
PUERTO RICO
[Litšoantšo tse leqepheng la 365]
Ho tloha ka 1930, lingoliloeng tse fetang 83 000 000 tsa Bibele li ile tsa abuoa Puerto Rico, ’me ha etsoa maeto a ho boela a 25 000 000 ho fana ka thuso e eketsehileng ho batho ba thahasellang. Mosebetsi oa phetolelo o etsoang mona o thusa hore lingoliloeng tsa Bibele li fumanehe ho batho ba ka bang 350 000 000 lefatšeng ka bophara ba buang Sepanishe.
TRINIDAD
[Litšoantšo tse leqepheng la 365]
Litaba tse molemo li ne li se li ntse li boleloa ka matla Trinidad khale ka 1912. Lipaki tse ngata, ho kopanyelletsa le tsena tse tharo tse koetlisitsoeng Sekolong sa Gileade, li nehetse nako eohle ea tsona mosebetsing ona.
AMERIKA BOROA
ARGENTINA
[Litšoantšo tse leqepheng la 366]
’Moleli oa ’Muso o qalile ho romeloa naheng ena ka 1924. Hamorao baromuoa ba koetlisitsoeng Gileade ba ile ba fana ka thuso e khōlō, ho kopanyelletsa Charles Eisenhower (ea bontšitsoeng mona), ea fihlileng le mosali oa hae ka 1948. Ka 1992, ho tsoa meahong ena ho ne ho fanoa ka tlhokomelo e akaretsang, esita le lingoliloeng tsa Bibele bakeng sa Lipaki tsa Jehova tse ka holimo ho 96 000 Argentina. Lingoliloeng li ne li boetse li romeloa ho tloha mona ho ea ho Lipaki tse fetang 44 000 Chile.
BOLIVIA
[Litšoantšo tse leqepheng la 367]
Batho ba Bolivia ba ’nile ba utloa molaetsa oa ’Muso ho tloha ka 1924. Ba likete ba amohela lingoliloeng tsa Bibele ka kananelo ’me ba rua molemo lithutong tsa ka mehla tsa lehae tsa Bibele.
CHILE
[Litšoantšo tse leqepheng la 367]
Ka 1919, lingoliloeng tsa Watch Tower li ne li fihlile Chile. Boboleli bo hlokomeloang ke ofisi ena hona joale bo nametse metebong ea linku e puputloang ke moea ka boroa ho ea likampong tse hōle tsa merafo ka leboea, ho tloha Lithabeng tsa Andes ho ea leoatleng.
ECUADOR
[Litšoantšo tse leqepheng la 367]
Tlatsetso e khōlō boboleling ba litaba tse molemo Ecuador e entsoe ke Lipaki tse fetang 870 (joaloka tse peli tse bontšitsoeng mona) tse ileng tsa tloha linaheng tsa habo tsona ho ea sebeletsa moo tlhokahalo e leng khōloanyane. Hona joale lekala lena le fana ka thuso ho barorisi ba chesehang ba Jehova ba fetang 22 000.
BRAZIL
[Litšoantšo tse leqepheng la 368, 369]
Ka 1992, ha ofisi ea lekala ea Mokhatlo, sebaka sa khatiso, le Lehae la Bethele li ne li atolosetsoa boemong bona, Lipaki tsa Jehova Brazil li ne li feta 335 000 ’me li ne li kolobetsa barutuoa ba fetang 27 000 selemo ka seng. Sebaka sa khatiso mona se boetse se fana ka lingoliloeng tse tla abuoa Bolivia, Paraguay, le Uruguay.
[Litšoantšo tse leqepheng la 369]
Mabala a mabeli a maholo a lipapali a ileng a sebelisoa bakeng sa kopano ea machaba ea Lipaki tsa Jehova São Paulo ka 1990; ho boetse ha lokisetsoa likopano tse eketsehileng tse fetang 100
[Krafo e leqepheng la 369]
(Ha u batla ho bona boitsebiso bo hlophisitsoeng hantle, sheba sengoliloeng)
Baboleli ba ’Muso Brazil
300 000
200 000
100 000
1950 1960 1970 1980 1992
GUYANA
[Litšoantšo tse leqepheng la 368]
Mokhatlo o bile le ofisi ea lekala Guyana ho tloha ka 1914. Lipaki li fihlile hare-hare ’me li lekile ho neha e mong le e mong monyetla oa ho utloa litaba tse molemo. Le hoja palo ea baahi naheng ena hona joale e ntse e le ka tlaase ho millione, Lipaki li ile tsa nehela lihora tse fetang 10 000 000 boboleling le ho ruteng naheng ena.
PARAGUAY
[Litšoantšo tse leqepheng la 369]
Boboleli ba litaba tse molemo bo ne bo ntse bo tsoela pele bohareng ba bo-1920 Paraguay. Ho tloha ka 1946, baromuoa ba 112 ba koetlisitsoeng Gileade ba ile ba thusa ho fana ka bopaki. E le ho finyella batho ba buang lipuo tse ling ho e-na le Sepanishe le Seguarani, Lipaki tse ling li ile tsa ithaopela ho tla li tsoa linaheng tse sa tšoaneng.
Ho tsoa Jeremane
Ho tsoa Korea
Ho tsoa Japane
COLOMBIA
[’Mapa/Litšoantšo tse leqepheng la 370, 371]
Hoo e ka bang ka 1915, sengoliloeng sa Watch Tower se ile sa romelloa monna ea thahasellang Colombia. Ka 1992, lingoliloeng tsa Bibele tse hatisoang meahong ena li ile tsa romeloa ho ea hlokomela litlhoko tsa baevangeli ba fetang 184 000 Colombia, Ecuador, Panama, Peru, le Venezuela.
[’Mapa]
(Ha u batla ho bona boitsebiso bo hlophisitsoeng hantle, sheba sengoliloeng)
COLOMBIA
PERU
ECUADOR
PANAMA
VENEZUELA
PERU
[Litšoantšo tse leqepheng la 370]
Hoo e ka bang ka 1924, lingoliloeng tsa Bibele li ile tsa abuoa Peru ke Seithuti sa Bibele sa moeti. Phutheho ea pele e ile ea thehoa lilemo tse 21 hamorao. Hona joale Peru ho na le baboleli ba ’Muso oa Molimo ba mafolo-folo ba fetang 43 000.
Bo-pula-maliboho ba bolela holimo lithabeng tsa Andes
SURINAME
[Litšoantšo tse leqepheng la 371]
Hoo e ka bang ka 1903 sehlopha sa pele sa thuto se ile sa thehoa mona. Kajeno meaho ena ea lekala ea hlokahala bakeng sa ho hlokomela liphutheho ho pholletsa le naha—libakeng tsa mahaeng, literekeng, le metseng.
URUGUAY
[Litšoantšo tse leqepheng la 372]
Ho tloha ka 1945, baromuoa ba fetang 80 ba tlatselitse boboleling ba ’Muso Uruguay. Ba bontšitsoeng mona ba ’nile ba sebeletsa Uruguay ho tloha ka bo-1950. Ka 1992, Lipaki tsa mona tse fetang 8 600 li ne li sebeletsa le bona.
VENEZUELA
[Litšoantšo tse leqepheng la 372]
Lingoliloeng tse ling tsa Watch Tower li ile tsa abuoa Venezuela bohareng ba bo-1920. Lilemo tse leshome hamorao sehlopha sa bo-pula-maliboho sa ’mè le morali se tsoang United States se ile sa qalisa nako ea boboleli bo chesehang mona, sa akaretsa motse-moholo khafetsa ’me se etela litoropong ho pholletsa le naha. Hona joale ho na le Lipaki tse mafolo-folo tse fetang 60 000 Venezuela.
[Setšoantšo se leqepheng la 372]
Selika-likoe sa lipoho Valencia moo ho nang le letšoele la batho ba 74 600 ba tlileng kopanong e khethehileng ka 1988
EUROPE LE MEDITERRANEAN
AUSTRIA
[Litšoantšo tse leqepheng la 373]
Ka bo-1890, batho ba bang Austria ba ile ba fuoa monyetla oa ho rua molemo litabeng tse molemo. Ho tloha ka bo-1920, ho bile le khōlo e leka-lekaneng empa e sa fetohe ea barorisi ba Jehova naheng ena.
[Setšoantšo se leqepheng la 373]
Liphutheho tse fetang 270 li kopanela Liholong tsa ’Muso ho pholletsa le Austria
BELGIUM
[Litšoantšo tse leqepheng la 373]
Belgium e fetohile phutha-lichaba ea lefatše. E le ho hlokomela baahi ba fapa-fapaneng ba fumanehang mona, lekala lena le aba lingoliloeng tsa Bibele ka lipuo tse fetang 100.
BRITHANI
[Litšoantšo tse leqepheng la 374]
Mosebetsi oa Lipaki tsa Jehova tse fetang 125 000 Brithani o hlokomeloa ho tsoa ofising ena ea lekala. Lipaki tse tsoang Brithani li boetse li amohetse likabelo tsa ho hasa molaetsa oa ’Muso linaheng tse ling tsa Europe, esita le Afrika, Amerika Boroa, Australia, Linaheng tsa Bochabela, le lihleke-hlekeng tsa leoatle.
IBSA House
Watch Tower House
[Litšoantšo tse leqepheng la 374]
Lingoliloeng tsa Bibele li hatisoa mona ka Senyesemane, Semaltese, Segujarati, le Seswahili
[Setšoantšo se leqepheng la 374]
Lefapha la Tšebeletso le hlokomela liphutheho tse fetang 1 300 Brithani
[Litšoantšo tse leqepheng la 374]
Lingoliloeng li romeloa likarolong tsohle tsa Engelane, Scotland, Wales, Ireland, le Malta, esita le libakeng tse ling tsa Afrika le Caribbean
FORA
[Litšoantšo tse leqepheng la 375]
Phetolelo le tlhophiso ea boitsebiso ka ho bo fota bakeng sa lingoliloeng tsohle tsa Watch Tower tse hatisoang lefatšeng ka bophara bakeng sa batho ba buang Sefora e etsoa mona lekaleng la Fora. (Batho ba fetang 120 000 000 ba bua Sefora.) Lingoliloeng li hatisoa mona ka linako tsohle ka lipuo tse sa tšoaneng ’me li romeloa linaheng tsa Europe, Afrika, Bochabela bo Hare, Leoatleng la Indian, le Leoatleng la Pacific.
Sebaka sa khatiso/liofisi Louviers
Phetolelo
Tlhophiso ea boitsebiso ka ho bo fota
[Setšoantšo se leqepheng la 375]
Liofisi/sebaka sa bolulo Boulogne-Billancourt
[Setšoantšo se leqepheng la 375]
Sebaka sa bolulo Incarville seo lelapa la Bethele le tla lula ho sona
JEREMANE
[Litšoantšo tse leqepheng la 376, 377]
Ho sa tsotellehe boiteko bo mabifi ba ho li felisa Jeremane nakong ea Bonazi, Lipaki tsa Jehova ha lia ka tsa lahla tumelo ea tsona. Ho tloha ka 1946, li nehetse lihora tse fetang 646 000 000 ho phatlalatseng ’nete ea Bibele ho pholletsa le naha.
Meaho e ekelitsoeng Selters/Taunus
[Setšoantšo se leqepheng la 376]
Ho phaella ho fetoleleng lingoliloeng tsa Bibele ka Sejeremane, lekala lena le Selters/Taunus le hatisa ka lipuo tse fetang 40
[Setšoantšo se leqepheng la 377]
Lingoliloeng tse ngata tse hatisoang mona ka mehla li romeloa linaheng tse fetang 20; limakasine li hatisoa ka lipuo tse ngata ’me li romeloa linaheng tse fetang 30
[Setšoantšo se leqepheng la 377]
Literaka tsa Mokhatlo li sebelisetsoa ho romela lingoliloeng ho pholletsa le Jeremane
CYPRUS
[Setšoantšo se leqepheng la 376]
Nakoana ka mor’a lefu la Jesu Kreste, litaba tse molemo li ne li bolelloa batho ba Cyprus. (Lik. 4:32-37; 11:19; 13:1-12) Kajeno, boboleli boo bo tsosolositsoe, ’me ho ntse ho tsoela pele ho fanoa ka bopaki bo phethahetseng tlas’a tataiso ea ofisi ena ea lekala.
DENMARK
[Litšoantšo tse leqepheng la 377]
Ho tloha ka bo-1890, ho bile le bopaki bo pharalletseng Denmark. Mona ha ho hatisoe lingoliloeng tsa Bibele tsa Sedanishe feela empa le tsa Faeroese, Greenlandic, le Icelandic.
Setšoantšo sa moeeng sa lekala (moo ho kenoang le teng ho bontšitsoe kenyelletsong)
ITALY
[Litšoantšo tse leqepheng la 378, 379]
Lingoliloeng tsa Bibele tsa Setaliana li fetoleloa le ho hatisoa mona. Lekala lena le hatisa le ho kopanya libuka tse sebelisoang Italy le linaheng tse ling tse haufi.
Ponahalo e fapa-fapaneng ea meaho ea lekala haufi le Rome
[Setšoantšo se leqepheng la 379]
Ba mashome a likete, ha ba bona se hlileng se boleloang ke Bibele, ba qalile ho kopana le Lipaki tsa Jehova
[Setšoantšo se leqepheng la 379]
Har’a bora bo sa khaotseng ba Kereke ea Roma e K’hatholike, Lipaki tsa Jehova Italy li nehetse lihora tse fetang 550 000 000 ho tloha ka 1946 maetong a etsoang ka seqo ho baahisani ba tsona ho buisana le bona ka Bibele. Ka baka leo, batho ba Italy ba 194 000 hona joale ke barapeli ba mafolo-folo ba Jehova
FINLAND
[Setšoantšo se leqepheng la 378]
’Nete ea Bibele e fihlile Finland ho tsoa Sweden ka 1906. Ho tloha ka nako eo, e ’nile ea isoa likarolong tsohle tsa naha, esita le ka holimo haholo ho Arctic Circle. Ba bangata ba tsoang mona ba bile Sekolong sa Gileade ho ea koetlisetsoa ho sebeletsa kae kapa kae moo ba hlokahalang teng tšimong ea lefatše. Ba bang ba tsamaile ka bobona ho ea sebeletsa linaheng tseo tlhokahalo e leng khōloanyane ho tsona.
ICELAND
[Litšoantšo tse leqepheng la 379]
Iceland, e nang le baahi ba ka bang 260 000 feela, ho tsamaisitsoe lingoliloeng tsa Bibele tse fetang 1 620 000 e le ho thusa batho hore ba khethe bophelo. Hona joale mona ho na le batho ba fetang 260 ba sebeletsang Jehova, Molimo oa ’nete.
[Setšoantšo se leqepheng la 379]
Georg Lindal, ea ileng a bula maliboho mona ho tloha ka 1929 ho ea ho 1953; nako e ngata ho eo, e ne e le eena feela Paki naheng eo
GREECE
[Setšoantšo se leqepheng la 380]
Moapostola Pauluse ke e mong oa batho ba pele ba ileng ba bolela litaba tse molemo Greece. (Lik. 16:9-14; 17:15; 18:1; 20:2) Le hoja Kereke ea Greek Orthodox e hlorisitse Lipaki tsa Jehova ka matla ka lilemo tse ngata, hona joale ho na le bahlanka ba Jehova ba tšepahalang ba fetang 24 000 naheng ena. Lekala le bontšitsoeng mona le lik’hilomithara tse ka bang 64 ka leboea ho Athens.
[Setšoantšo se leqepheng la 380]
Ho fana ka bopaki Athens
[Setšoantšo se leqepheng la 380]
Setšoantšo se nkiloeng ka 1990 nakong ea pontšo ea nyatso e neng e etelletsoe pele ke baruti khahlanong le Lipaki
IRELAND
[Litšoantšo tse leqepheng la 380]
Ka lilemo tse ngata batho ba ile ba lieha ho arabela molaetseng oa Bibele Ireland. Ho bile le khanyetso e khōlō ea baruti. Empa ka mor’a lilemo tse 100 tsa ho fana ka bopaki ka phehello, hona joale ho na le kotulo e khōlō ea moea.
Ofisi ea lekala Dublin
[Setšoantšo se leqepheng la 380]
Bo-pula-maliboho ba babeli ba nako e telele tšebeletsong ea tšimo
POLAND
[Litšoantšo tse leqepheng la 381]
Meaho ena e sebelisetsoa ho fana ka thuso ho Lipaki tse fetang 100 000 Poland. Ho tloha ka 1939 ho ea ho 1945, borapeli ba tsona bo ne bo thibetsoe, empa palo ea tsona e ile ea eketseha ho tloha ho 1 039 ka 1939 ho ea ho 6 994 ka 1946. Ha li thibeloa hape ka 1950, li ne li le 18 116; empa nakoana ka mor’a hore thibelo eo e tlosoe ka 1989, litlaleho li ile tsa bontša hore li ne li feta 91 000.
[Litšoantšo tse leqepheng la 381]
Ka lilemo tse ngata li ne li tšoarela likopano tse nyenyane merung; hona joale likopano tsa tsona li tlatsa mabala a maholo ka ho fetisisa a lipapali naheng ena —’me ho sebelisoa mabala a eketsehileng ka nako e le ’ngoe
Poznan (1985)
LUXEMBOURG
[Setšoantšo se leqepheng la 382]
Luxembourg ke e ’ngoe ea linaha tse nyenyane ka ho fetisisa Europe. Empa ka lilemo tse ka bang 70, molaetsa oa ’Muso o ’nile oa boleloa le mona. Haholo-holo pele ho Ntoa ea II ea Lefatše, thuso e ’nile ea fanoa ke Lipaki tse tsoang Fora, Jeremane, le Switzerland.
NETHERLANDS
[Litšoantšo tse leqepheng la 382]
Ho tsoa lekaleng lena le Emmen, ho hlokomeloa mosebetsi oa Lipaki tse chesehang tse fetang 32 000 Netherlands. Phetolelo ea lingoliloeng tsohle ka Sedutche e etsoa meahong ena. Ho hatisoa bocha ha lik’hasete tsa “video” tse thehiloeng Bibeleng ka lipuo tsa Europe ho boetse ho etsoa mona.
NORWAY
[Litšoantšo tse leqepheng la 383]
Lilemong tse lekholo tse fetileng, motho e mong oa Norway ea neng a falletse Amerika ’me a ithuta linnete tsa Bibele moo o ile a tlisa litaba tseo tse molemo naheng ea habo. Ho tloha ka nako eo, Lipaki tsa Jehova li ’nile tsa etela karolo e ’ngoe le e ’ngoe ea Norway khafetsa ho bua le batho ka ’Muso oa Molimo.
PORTUGAL
[Litšoantšo tse leqepheng la 383]
Ka mashome a lilemo ka mor’a hore ’muso o saene selekane le Vatican, mapolesa a ile a tšoara Lipaki, ’me a ntša baromuoa ba tsona ka har’a naha. Empa Lipaki tse setseng li ’nile tsa tsoela pele ho kopana bakeng sa borapeli, ho bolella ba bang, le ho eketseha. Qetellong, ka 1974 li ile tsa fuoa tumello ea molao.
Ofisi ena e hlokomela mosebetsi oa Lipaki tse fetang 40 000 Portugal. E boetse e thusitse haholo linaha tsa Afrika tse neng li e-na le maqhaama a tiileng le Portugal.
[Setšoantšo se leqepheng la 383]
Kopano ea machaba e neng e tšoaretsoe Lisbon ka 1978
SWEDEN
[Litšoantšo tse leqepheng la 383]
Ka lilemo tse fetang 100, Lipaki tsa Jehova li ’nile tsa bolela Sweden. Ka lilemo tse fetileng tse leshome, li nehetse lihora tse fetang 38 000 000 mosebetsing ona. Liphuthehong tse ngata tsa Sweden batho ba bua e ’ngoe ea lipuo tse ngata tse teng ntle le Seswedishe.
[Setšoantšo se leqepheng la 383]
E le ho thusa batho ba mefuta eohle Sweden, ho bolokoa lingoliloeng mona ka lipuo tse 70
SPAIN
[Litšoantšo tse leqepheng la 384]
Lekala lena le hlokomela Lipaki tse fetang 92 000 Spain. Le hatisa “Molula-Qhooa” le “Tsoha!” bakeng sa Spain le Portugal. Ho sa tsotellehe boiteko bo sa khaotseng ba baruti ba K’hatholike ba ho sebelisa Naha ho thibela Lipaki tsa Jehova, Lipaki li ’nile tsa arolelana ’nete ea Bibele le batho ba Spain ho tloha ka 1916. Qetellong, ka 1970, ha Lipaki tsa Jehova Spain li feta 11 000, li ile tsa fuoa tumello ea molao. Ho tloha ka nako eo, palo ea tsona e ile ea eketseha ka makhetlo a imenneng harobeli.
[Setšoantšo se leqepheng la 384]
Hona joale liphutheho tse fetang 1 100 li kopana ka bolokolohi Liholong tsa ’Muso tse fumanehang ho pholletsa le naha
SWITZERLAND
[Setšoantšo se leqepheng la 384]
Ho tloha ka 1903 Mokhatlo oa Watch Tower o ’nile oa ba le ofisi Switzerland. Sebaka se seng ho libaka tsa pele tsa Mokhatlo tsa khatiso tse Europe se ne se le naheng ena. Ka lilemo tse ngata lekala le mona Thun le ’nile la hatisa limakasine tse sebelisoang linaheng tse ling tse ngata.
AFRIKA
BENIN
[Litšoantšo tse leqepheng la 385]
Benin e entsoe ka lihlopha tsa merabe e ka bang 60 tse buang lipuo tse 50. Ha batho ba likete ho bana ba itšoasolla bolumeling ba bona ba pele, sena se ile sa halefisa basebeletsi ba tumela-khoela le baruti ba Bokreste-’mōtoana ka ho tšoanang. Empa mahloriso a eketsehileng ha a ka a emisa khōlo ea borapeli ba ’nete naheng ena.
[Setšoantšo se leqepheng la 385]
Kopano e neng e tšoeroe ka 1990
CENTRAL AFRICAN REPUBLIC
[Litšoantšo tse leqepheng la 385]
Khale ka 1947, molaetsa oa ’Muso o ile oa qala ho fihla ho batho mona. Monna e mong ea neng a ile a ba teng libokeng tse ling tsa Lipaki sebakeng se seng o ile a arolela ba bang seo a ithutileng sona. Ka potlako ho ile ha ba le sehlopha sa thuto, kapele ba bang teng ba ile ba qala ho fana ka bopaki, ’me palo ea ba rapelang Jehova e ile ea eketseha.
CÔTE D’IVOIRE
[Litšoantšo tse leqepheng la 386]
Baromuoa ba koetlisitsoeng Gileade ba ile ba thusa ho tlisa borapeli ba ’nete naheng ena ea Afrika Bophirimela ka 1949. Baromuoa ba joalo ba fetang lekholo ba kile ba sebeletsa mona. Selemo le selemo, ho neheloa lihora tse fetang millione ho batleng le ho ruteng batho ba naha ena ba lapetseng ’nete sebakeng se hlokomeloang ke ofisi ena ea lekala.
GHANA
[Litšoantšo tse leqepheng la 386, 387]
Boboleli ba litaba tse molemo Ghana bo qalile ka 1924. Hona joale ofisi ena e Accra e hlokomela liphutheho tse fetang 640 Ghana. E boetse e hlokomela ho fetoleloa le ho hatisoa ha lingoliloeng tsa Bibele ka lipuo tsa Ewe, Ga, le Twi.
[Setšoantšo se leqepheng la 387]
Ho kopana Holong ea ’Muso e haufi le ofisi ea lekala
KENYA
[’Mapa/Litšoantšo tse leqepheng la 387]
Ka 1931, Lipaki tsa Jehova tse peli li ile tsa tloha Afrika Boroa ho ea bolela Kenya. Ho tloha ka 1963 ofisi ea Mokhatlo Kenya, ka linako tse ling, e hlokometse boboleli ba evangeli bo etsoang linaheng tse ling tse ngata Afrika Bochabela (joalokaha ho bontšitsoe ka tlaase). Likopano tsa machaba Kenya ka 1973, 1978, le 1985 li tlatselitse bopaking bo fanoeng mona.
[’Mapa]
(Ha u batla ho bona boitsebiso bo hlophisitsoeng hantle, sheba sengoliloeng)
KENYA
UGANDA
SUDAN
ETHIOPIA
DJIBOUTI
SOMALIA
YEMEN
SEYCHELLES
TANZANIA
BURUNDI
RWANDA
[Litšoantšo tse leqepheng la 387]
Kopano Nairobi (1978)
NIGERIA
[Litšoantšo tse leqepheng la 388, 389]
Litaba tse molemo li boletsoe naheng ena ho tloha mathoasong a bo-1920. Baevangeli ba boetse ba romeloa ho tloha Nigeria ho ea likarolong tse ling tsa Afrika Bophirimela, ’me lingoliloeng tsa Bibele tse hatisoang mona li tsoela pele ho finyella tlhoko ea linaha tsa boahisani. Nigeria ka boeona, Lipaki tsa Jehova li file batho lingoliloeng tse fetang 28 000 000 ho ba thusa ho utloisisa Lentsoe la Molimo.
[Setšoantšo se leqepheng la 388]
Ho tsoa Lefapheng la Tšebeletso, ho hlokomeloa baboleli ba ’Muso ba fetang 160 000 Nigeria
[Setšoantšo se leqepheng la 389]
Kopano Calabar, Nigeria (1990)
LIBERIA
[Setšoantšo se leqepheng la 388]
Ba fetohileng Lipaki tsa Jehova mona ba tobane le liteko tse ngata tsa tumelo ea bona—ha ba itšoasolla litumela-khoeleng, ha ba tlohela sethepu, ha ba hlorisoa ke liofisiri tseo ba builoeng hampe ho tsona, le ha ba pota-potiloe ke lihlopha tsa lipolotiki le tsa merabe tse loanang. Leha ho le joalo, borapeli ba ’nete bo tsoela pele ho kopanya batho ba mefuta eohle naheng ena.
MAURITIUS
[Litšoantšo tse leqepheng la 389]
Khale ka 1933, Lipaki tse chesehang tse tsoang Afrika Boroa li ile tsa etela sehleke-hleke sena se Leoatleng la Indian. Hona joale ho na le Lipaki tse fetang sekete Mauritius tse khothalletsang baahisani ba tsona ho batla Jehova e le hore a ka ba amohela ha a felisa tsamaiso ea hona joale ea lintho e khopo.—Sof. 2:3.
AFRIKA BOROA
[Litšoantšo tse leqepheng la 390]
Ka lilemo tse fetang 80, Mokhatlo oa Watch Tower o bile le ofisi ea lekala Afrika Boroa. Baevangeli ba chesehang mona ba entse ho hongata ho phatlalatsa molaetsa oa ’Muso linaheng tse ling tse karolong e ka boroa le e ka bochabela ea Afrika. Tšimong eo pele e neng e le tlas’a lekala lena (moo ho neng ho e-na le baboleli ba ’Muso ba 14 674 ka 1945), hona joale ho na le Lipaki tsa Jehova tse mafolo-folo tse fetang 300 000.
[Litšoantšo tse leqepheng la 391]
Bafetoleli ba fetang 110 ba sebetsa tlas’a tataiso ea lekala lena ho lokisa lingoliloeng tsa Bibele ka lipuo tse 16 tsa Afrika
[Setšoantšo se leqepheng la 391]
Lingoliloeng li hatisoa mona ka lipuo tse fetang 40
SENEGAL
[Litšoantšo tse leqepheng la 390]
Le hoja mona palo ea Lipaki e fokola, ofisi ea lekala e lekile ho hlokomela hore motseng ka mong, sehlopha ka seng sa morabe, le batho ba bolumeli bo bong le bo bong, eseng Senegal feela empa le linaheng tse e pota-potileng, ba fumana monyetla oa ho utloa molaetsa o futhumatsang pelo oa Bibele.
SIERRA LEONE
[Setšoantšo se leqepheng la 391]
Boboleli ba litaba tse molemo Sierra Leone bo qalile ka 1915. Ka linako tse ling khōlo e liehile ho ba teng. Empa ha batho ba sa kang ba itšoarella litekanyetsong tsa Jehova tse phahameng ba tlosoa ’me ba sa kang ba sebeletsa ka sepheo se nepahetseng ba ikhula, ba tšepahalang ba Jehova ba ile ba atleha moeeng.
ZAMBIA
[Litšoantšo tse leqepheng la 392]
Ofisi ena ea lekala e hlokomela mosebetsi oa Lipaki tse fetang 110 000 Afrika e boroa-bohareng. Ofisi ea pele ea Mokhatlo e thehiloe mona ka 1936. Ho tloha ka nako eo, Lipaki tsa Jehova Zambia li entse maeto a ho boela a fetang 186 000 000 e le ho fana ka thuso e eketsehileng ho ba thahasellang. Li boetse tsa ruta ba bangata ho bala e le hore ba ka ithuta Bibele ka bobona ’me ba e arolelane le ba bang.
[Setšoantšo se leqepheng la 392]
Letotong la likopano Zambia ka 1992 ho bile teng ba 289 643
ZIMBABWE
[Litšoantšo tse leqepheng la 392]
Lipaki tsa Jehova li ’nile tsa ba mafolo-folo Zimbabwe ho tloha ka bo-1920. Lilemong tse latelang, lingoliloeng tsa tsona li ile tsa thibeloa, ha thibeloa likopano, ’me ha haneloa baromuoa hore ba bolele ho baahi ba Maafrika. Butle-butle, litšitiso li ile tsa hlōloa, ’me hona joale ofisi ena e hlokomela Lipaki tse fetang 20 000.
LINAHA TSA BOCHABELA
HONG KONG
[Litšoantšo tse leqepheng la 393]
Lingoliloeng tsa Watch Tower li fetoleloa mona ka Sechaena, seo, ka lipuo tsa sona tse ngata tse nyenyane, se buuoang ke batho ba fetang limillione tse sekete. Hong Kong feela, boboleli ba litaba tse molemo bo qalile ha C. T. Russell a fana ka puo holong ea motse ka 1912.
INDIA
[Litšoantšo tse leqepheng la 393]
Lekala lena le hlokomela boboleli ba molaetsa oa ’Muso karolong e fetang ea botšelela ea baahi ba lefatše. Hona joale, ofisi ena e hlokomela phetolelo ka lipuo tse 18 le khatiso ka lipuo tse 19. Har’a lipuo tsena ke Sehindi (se buuoang ke batho ba limillione tse 367) le Assamese, Bengali, Gujarati, Kannada, Malayalam, Marathi, Nepali, Oriya, Punjabi, Tamil, Telugu, le Urdu (puo ka ’ngoe e buuoa ke batho ba mashome a limillione).
[Litšoantšo tse leqepheng la 393]
Lipaki tse bolelang ka Malayalam
. . . ka Nepali
. . . ka Gujarati
JAPANE
[Litšoantšo tse leqepheng la 394]
Lipaki tsa Jehova Japane, joaloka libakeng tse ling, ke baboleli ba chesehang ba ’Muso oa Molimo. Ka 1992 feela, li nehetse lihora tse fetang 85 000 000 boboleling ba litaba tse molemo. Ka karolelano, Lipaki tse etsang hoo e ka bang karolo ea 45 lekholong Japane li kopanela tšebeletsong ea bopula-maliboho khoeli ka ’ngoe.
[Setšoantšo se leqepheng la 394]
Lingoliloeng tsa Bibele li hatisoa mona ka lipuo tse ngata, ho kopanyelletsa Sejapane, Sechaena, le lipuo tsa Philippines
[Setšoantšo se leqepheng la 394]
Ofisi ea Boenjiniere ea Lebatooa e thusa ka mesebetsi ea lekala linaheng tse fapa-fapaneng
[Krafo e leqepheng la 394]
(Ha u batla ho bona boitsebiso bo hlophisitsoeng hantle, sheba sengoliloeng)
Bo-pula-maliboho Japane
75 000
50 000
25 000
1975 1980 1985 1992
REPHABLIKI EA KOREA
[Litšoantšo tse leqepheng la 395]
Lingoliloeng tse ka bang limillione tse 16 tsa Bibele, ho kopanyelletsa le lipampitšana, li hatisoa mona selemo le selemo ho hlokomela Lipaki tse fetang 70 000 Rephabliking ea Korea. Lipaki tse etsang hoo e ka bang karolo ea 40 lekholong Korea li tšebeletsong ea bopula-maliboho.
MYANMAR
[Litšoantšo tse leqepheng la 395]
Ha Mokhatlo oa Watch Tower o theha ofisi ea lekala mona ka 1947, ho ne ho e-na le Lipaki tsa Jehova tse 24 feela naheng ena. Lipaki tse fetang 2 000 tse mafolo-folo hona joale Myanmar li leka ho fihla eseng feela ho baahi ba metse empa le ho baahi ba mahaeng ba bangata.
PHILIPPINES
[Setšoantšo se leqepheng la 396]
Ka 1912, C. T. Russell o ile a bua Grand Opera House ea Manila sehloohong “Bafu ba Kae?” Ho tloha ka nako eo Lipaki tsa Jehova mona li nehetse lihora tse fetang 483 000 000 li pakela batho ba fumanoang lihleke-hlekeng tse ka bang 900 tseo ho ahiloeng ho tsona Philippines. Tlhokomelo e akaretsang ea Lipaki tse fetang 110 000 liphuthehong tse 3 200 e fanoa ho tloha lekaleng lena. Khatiso e etsoa mona ka lipuo tse robeli ho finyella litlhoko tsa sebakeng seo.
[Litšoantšo tse leqepheng la 396]
Lipaki tse tsoang lihlopheng tse ling tsa lipuo tse khōlō Philippines
SRI LANKA
[Litšoantšo tse leqepheng la 397]
Pele ho Ntoa ea I ea Lefatše, litaba tse molemo li ne li boleloa Ceylon (eo hona joale e leng Sri Lanka), ho elella ka boroa ho India. Ka potlako ho ile ha hlophisoa sehlopha sa thuto. Ho tloha ka 1953 Mokhatlo o bile le ofisi ea lekala motse-moholo, ho neha batho ba buang Sinhalese, Tamil, le lihlopha tse ling tsa merabe naheng ena monyetla oa ho utloa molaetsa oa ’Muso.
TAIWAN
[Litšoantšo tse leqepheng la 397]
Ho ile ha etsoa bopaki bo itseng mona ka bo-1920. Empa bo ile ba tsoela pele ka mokhoa o tsitsitseng ka bo-1950. Hona joale meaho ena e mecha ea lekala e haheloa ho fana ka setsi se eketsehileng sa mosebetsi karolong ena ea lefatše.
[Setšoantšo se leqepheng la 397]
Phutheho Taipei
THAILAND
[Setšoantšo se leqepheng la 397]
Ka bo-1930, bo-pula-maliboho ba Lipaki ba ile ba fihla ba tsoa Brithani, Jeremane, Australia, le New Zealand e le ho arolelana ’nete ea Bibele le batho ba Thailand (e neng e tsejoa e le Siam nakong eo). Baemeli ba tsoang linaheng tse ngata ba ile ba ba teng likopanong tsa machaba mona ka 1963, 1978, 1985, le 1991 e le ho khothatsa Lipaki tsa sebaka sena le ho susumetsa ho phatlalatsoa ha molaetsa oa ’Muso.
[Setšoantšo se leqepheng la 397]
Kopano ea 1963
[Setšoantšo se leqepheng la 397]
Baemeli ba tsoang linaheng lisele ka 1991
LIHLEKE-HLEKE TSA PACIFIC
FIJI
[Setšoantšo se leqepheng la 398]
Ofisi e Fiji e thehiloe ka 1958. Ka nakoana e ne e hlokomela mosebetsi oa ho boleloa ha ’Muso linaheng tse 12 le ka lipuo tse 13. Hona joale lekala la Fiji le hlokomela lihleke-hleke tseo ho ahiloeng ho tsona tse ka bang lekholo tsa sehlopha sa Fiji.
[Setšoantšo se leqepheng la 398]
Likopano tsa machaba mona ka 1963, 1969, 1973, le 1978 li ile tsa thusa ho atametsa Lipaki tsa mona haufi le tsa linaheng tse ling
GUAM
[Litšoantšo tse leqepheng la 398]
Ofisi e Guam e hlokomela boboleli ba litaba tse molemo lihleke-hlekeng tse phatlaletseng Leoatleng la Pacific ka li-“square kilometre” tse 7 770 000. Ke eona e hlokomelang ho fetoleloa ha lingoliloeng tsa Bibele ka lipuo tse robong.
[Setšoantšo se leqepheng la 398]
Molebeli oa potoloho hangata o tsamaea ka sefofane ho tloha sehleke-hlekeng se seng ho ea ho se seng
[Setšoantšo se leqepheng la 398]
Lipaki tsa sebaka sena (joalokaha li bontšitsoe mona Micronesia) li ka ’na tsa sebelisa liketsoana ho fihla tšimong ea tsona
HAWAII
[Setšoantšo se leqepheng la 399]
Mokhatlo oa Watch Tower o bile le ofisi ea lekala Honolulu ho tloha ka 1934. Ba bang ba tsoang Hawaii ba kopanetse mosebetsing oa boevangeli eseng feela lihleke-hlekeng tsa Hawaii empa hape le Japane, Taiwan, Guam, le lihleke-hlekeng tsa Micronesia.
NEW CALEDONIA
[Setšoantšo se leqepheng la 399]
Ho sa tsotellehe tšitiso ea bahanyetsi ba bolumeli, Lipaki tsa Jehova li ile tsa tlisa molaetsa oa ’Muso oa Molimo New Caledonia. Batho ba bangata ba ile ba mamela ka kananelo. Ka 1956 ho ile ha thehoa phutheho ea pele. Hona joale ho na le barorisi ba Jehova ba fetang 1 300 mona.
NEW ZEALAND
[Setšoantšo se leqepheng la 399]
Ka 1947 Mokhatlo oa Watch Tower o ile oa theha ofisi ea lekala New Zealand ho fana ka tlhokomelo e haufi-ufi ea boboleli ba litaba tse molemo mona.
[Setšoantšo se leqepheng la 399]
Phetolelo e etsoang lekaleng lena e nolofalletsa baahi ba Samoa, Rarotonga, le Niue ho hahoa ka mehla moeeng.
[Setšoantšo se leqepheng la 399]
Bafetoleli le ba ntšang lingoliloeng liphoso ba sebelisana ’moho ho hlahisa lingoliloeng tsa boleng bo phahameng
AUSTRALIA
[Litšoantšo tse leqepheng la 400]
Mokhatlo oa Watch Tower o bile le ofisi ea lekala Australia ho tloha ka 1904. Nakong e fetileng lekala lena le ile la hlokomela mosebetsi oa boboleli ba ’Muso hoo e ka bang sebakeng se etsang kotara ea lefatše, ho kopanyelletsa Chaena, Asia Boroa-bochabela, le lihleke-hleke tsa Pacific Boroa.
[Setšoantšo se leqepheng la 400]
Ofisi ea Boenjiniere ea Lebatooa e thusa ka kaho ea makala Pacific Boroa le Asia Boroa-bochabela
[Setšoantšo se leqepheng la 400]
Hona joale, lekala lena le hatisa lingoliloeng tsa Bibele ka lipuo tse fetang 25. Khatiso e etsoang mona e thusa ho fana ka lingoliloeng tse hlokoang ke Lipaki tse ka bang 78 000 tse leng libakeng tse hlokomeloang ke makala a robeli a leng Pacific Boroa.
[’Mapa/Setšoantšo se leqepheng la 400]
Linaha tse fumanang lingoliloeng lekaleng la Australia
[’Mapa]
(Ha u batla ho bona boitsebiso bo hlophisitsoeng hantle, sheba sengoliloeng)
AUSTRALIA
PAPUA NEW GUINEA
NEW CALEDONIA
SOLOMON ISLANDS
FIJI
WESTERN SAMOA
TAHITI
NEW ZEALAND
PAPUA NEW GUINEA
[Litšoantšo tse leqepheng la 400]
Lipaki tsa Jehova li tobane le phephetso e khethehileng naheng ena—batho ba bua lipuo tse fapaneng tse ka bang 700. Lipaki tse tsoang bonyane linaheng tse ling tse leshome li falletse mona ho tla kopanela mosebetsing. Li sebelitse ka thata ho ithuta lipuo tsa sebaka sena. Batho ba thahasellang ba tolokela ba buang puo e ’ngoe. Ho sebelisoa litšoantšo ka katleho e le thuso ea ho ruta.
SOLOMON ISLANDS
[Litšoantšo tse leqepheng la 401]
Thuto ea Bibele e ileng ea khannoa lichabeng tsohle ka lengolo e ile ea tlisa molaetsa oa ’Muso Solomon Islands mathoasong a bo-1950. Ho sa tsotellehe litšitiso tse boima, ’nete ea Bibele e ile ea nama. Ka baka la bohlale ba batho ba sebaka sena, tšebelisano-’moho ea machaba, le moea o mongata oa Jehova, ofisi ena ea lekala le Holo ea Kopano li ile tsa hahoa.
TAHITI
[Litšoantšo tse leqepheng la 401]
Mathoasong a bo-1930, Lipaki tsa Jehova li ne li fihlile Tahiti ka molaetsa oa ’Muso. Mona, bohareng ba Leoatle la Pacific, ho fanoa ka bopaki bo phethahetseng. Lilemong tse ’nè feela tse fetileng, bopaki bo entsoeng bo feta karolelano ea lihora tse hlano ho buuoa le monna, mosali, le ngoana e mong le e mong ea teng sehleke-hlekeng sena.
WESTERN SAMOA
[Setšoantšo se leqepheng la 401]
Western Samoa ke e ’ngoe ea linaha tse nyenyane lefatšeng, empa Lipaki tsa Jehova li na le ofisi ea lekala le hona mona. Moaho ona o hahiloe ka 1992 ho hlokomela mosebetsi lihleke-hlekeng tsena le tse haufi, ho kopanyelletsa American Samoa.