Memo ea Rōna ho Uena

Re thabetse ho buisana le uena ka maqephe a bukana ena. Re tšepa hore u thabetse ho ithuta ho eketsehileng ka Lipaki tsa Jehova. Ka kōpo amohela memo ea rōna ea hore u re etele Holong ea rōna ea ’Muso e sebakeng sa heno. U bone kamoo liboka tsa rōna li tsamaisoang kateng. U bone kamoo re ikitlaetsang kateng ho abela ba bang litaba tse molemo tse mabapi le lefatše la paradeise tlas’a ’Muso oa Kreste.

Molimo o le tšepisitse. “Ho na le maholimo a macha le lefatše le lecha tseo re li letetseng ho ea ka tšepiso ea hae, ’me ho loka ho tla aha ho tsona.” (2 Petrose 3:13) Ho se ho fetile makholo a mangata a lilemo. Nako ea ho leta e se e tla fela. Maemo a lefatše a bontša sena.

Moapostola Pauluse o ile a re ha re “bona letsatsi le ntse le atamela, re nahanelaneng hore re susumeletsane leratong le mesebetsing e metle, re sa tlohele ho bokana ha rōna.” (Baheberu 10:24, 25) Re u mema hore u ele hloko keletso ea Pauluse ka hore u bokane hammoho le rōna.