PINA EA 152
Sebaka Sena se Tla u Rorisa
(1 Marena 8:27; 1 Likronike 29:14)
1. Jehova Molimo oa rona,
Re u leboha haholo.
U re file sebaka sena,
Oa re fa le moea oa hao.
Mona re bona batho ba hao,
Ba bokane ’moho Ntate.
Ba rorisa lebitso la hao
Ka lipelo tse thabileng.
(BOROKHO)
U re file tlotla
Ea ho haha ntlo ena.
Seo re fanang ka sona
Se tsoa tsohong la hao.
(K’HORASE)
Re thabetse sebaka sena.
Re tla bina re thabile.
Re u leboha ho tsoa pelong.
U re hlo’nolofalitse.
2. Sohle seo re neng re se hloka,
U re file sona Ntate.
U re file sebaka sena,
Moo re tla u sebeletsa.
Re kopa hore u re thuse
Ha re ntse re thusa ba bang.
Re filoe mosebetsi ona
Ke Jesu Moren’a rona.
(BOROKHO)
Re u sebeletsa
Ka ntho tsohle tsa rona.
U tšoaneloa ke matla,
Tlhompho le thoriso.
(K’HORASE)
Re thabetse sebaka sena.
Re tla bina re thabile.
Re u leboha ho tsoa pelong.
U re hlo’nolofalitse.