Tsa Bacha ba Rōna

Ke Hobane’ng ha Lefatše e se e se Paradeise?

Litaelo: Balla mangolo ana moo ho khutsitseng. Ha u ntse u a bala, nka hore u boemong boo. Ipone u le moo. Utloa ha batho bao ba bua. Ikutloe joaloka batho bao ho buuang ka bona. Phelisa seo u se balang.

NAHANISISA KA KETSAHALO ENA.—BALA Genese 3:1-24.

U nahana hore qalong Eva o ile a etsa’ng ha noha e qala ho mo buisa?

․․․․․

U ntse u hopola hore Adama le Eva ba entse sebe ka boomo, u nahana hore ba ne ba ikutloa joang, joalokaha ho tlalehiloe temaneng ea 7-10?

․․․․․

U bona eka ho ne ho le joang ha Adama le Eva ba tebeloa serapeng sa Edene, joalokaha ho hlalositsoe temaneng ea 22-24?

․․․․․

AK’U JE MASAPO A HLOOHO.

Seo Eva a ileng a se bona se ile sa mo lihela sebeng joang? (Bala temana ea 6 hape.)

․․․․․

Ke hobane’ng ha tholoana e ile ea bonahala e “lakatseha” ho Eva? (Bala temana ea 4 le 5 hape.)

․․․․․

Ke eng eo e ka ’nang eaba e ile ea etsa hore Adama a etse sebe joaloka Eva? (Bala temana ea 6 hape.)

․․․․․

Sebe se ne se tla senya kamano e neng e le teng pakeng tsa monna le mosali melokong e tlang joang? (Bala temana ea 16 hape.)

․․․․․

Ke eng e bontšang hore sebe sa Adama le Eva se ile sa etsa hore ho be le tsitsipano pakeng tsa bona? (Bala temana ea 12 hape.)

․․․․․

Jehova o ile a rarolla bothata ka potlako joang e le hore morero oa hae o tle o phethahale? (Bala temana ea 15 hape.)

․․․․․

SEBELISA SEO U ITHUTILENG SONA. NGOLA SEO U ITHUTILENG SONA MABAPI LE . . .

․․․․․

Kotsi ea ho batla ho itaola.

․․․․․

Kamoo motho a ka bang le takatso e mpe ka lebaka la seo a se bonang.

․․․․․

Booatla ba ho jarisa ba bang molato ka liphoso tsa rōna.

․․․․․

U ITHUTILE ENG EA BOHLOKOA TLALEHONG EE, HONA HOBANE’NG?

․․․․․