Ho phekola ka letsatsi la Sabatha

3:1-5

Ke hobane’ng ha Jesu a ne a utloile bohloko hakaale ka lebaka la boikutlo bo fosahetseng ba baeta-pele ba bolumeli ba Bajuda? Hobane ba ne ba entse hore Sabatha e be moroalo hobane ba ne ba ekelitse melao e mengata e imelang batho. Mohlala, ho bolaea letsetse ho ne ho hanetsoe. Ho phekola ho ne ho le molaong haeba feela bophelo ba motho bo ne bo le kotsing. Sena se bolela hore ka letsatsi la Sabatha ho ne ho ke ke ha phekoloa motho ea robehileng. Ho hlakile hore baeta-pele ba bolumeli ba ne ba sa tsotelle monna eo ea neng a omeletse letsoho.