MATLOTLO A TSOANG BIBELENG | LUKA 10-11
Papiso ea Mosamaria ea Molemo
Jesu o ile a etsa papiso ena ha a ne a araba potso e reng: “Ha e le hantle moahelani oa ka ke mang?” (Lu 10:25-29) O ne a tseba hore ka phuthehong ea Bokreste ho ne ho tla ba le “batho ba mefuta eohle” ho akarelletsa le Basamaria le Balichaba. (Joh 12:32) Papiso ena e ne e ruta balateli ba hae hore ba lokela ho sebetsa ka thata ho bontša hore ba rata batho ba bang esita le balichaba.
IPOTSE:
‘Ke ikutloa joang ka bara le baralib’abo rona ba merabe e meng?’
‘Na ke qeta nako e ngata le batho bao re ratang lintho tse tšoanang feela?’
‘Na ke leka ka hohle ho tloaelana le Bakreste ’moho le ’na ba maemo le merabe e fapaneng?’ (2Ko 6:13)
Ebe nka mema mang ho . . .
ea tšebeletsong ea tšimo le’na
tla lijong
ba teng lapeng nakong eo re etsang Borapeli ba Lelapa mantsiboea