“Le Tsoele Pele ho Nahana ka Lintho Tsena”

Ke lintho life? Bafilipi 4:⁠8 e bua ka lintho tsa ’nete, tseo ho amehoang ka tsona ka botebo, tse lokileng, tse hloekileng, tse ratehang, tse buuoang hantle, tseo bokhabane bo leng teng ho tsona le thoriso. Sena ha se bolele hore Mokreste o lokela ho lula a nahana ka Bibele nako eohle. Leha ho le joalo, lintho tseo re li nahanang e lokela ho ba tse thabisang Jehova. Ha rea lokela ho nahana ka lintho tse tla re thatafalletsa ho tšepahala ho eena.​—Pes 19:14.

Ho ka ba thata ho qoba ho nahana lintho tse fosahetseng. Re lokela ho sebetsa ka thata ho loantšana le litakatso tsa rona tse bakoang ke ho se phethahale hammoho le tšusumetso ea Satane, “molimo oa tsamaiso ena ea lintho.” (2Ko 4:4) Lintho tse hlahang thelevisheneng, Inthaneteng, likoranteng, libukeng le lintho tseo re li mamelang seea-le-moeeng ha liea hloeka hobane li laoloa ke Satane. Kahoo, re lokela ho ela hloko lintho tseo re li balang, tseo re li shebellang le tseo re li mamelang hobane li ka susumetsa tsela eo re nahanang ka eona le tsela eo re etsang lintho ka eona.​—Jak 1:​14, 15.

SHEBELLANG VIDEO EA QOBA LINTHO TSE KA ETSANG HORE U SE KE OA TŠEPAHALA​—BOITHABISO BO FOSAHETSENG, EBE LE ARABA LIPOTSO TSE LATELANG:

• 

  Mor’abo rona o ne a shebella’ng fonong ea hae, hona seo se ile sa mo ama joang?

• 

  Mangolo aa a ile a mo thusa joang, Bagalata 6:​7, 8 le Pesaleme ea 119:37?