Letšolo le Khethehileng la ho Phatlalatsa ’Muso oa Molimo ka November

Jesu o ile a “bolela litaba tse molemo tsa ’Muso oa Molimo.” (Lu 4:​43) O ile a ba a ruta batho hore ba rapelle ’Muso oa Molimo. (Mat 6:​9, 10) Ka November, re tla sebetsa ka thata e le hore re tsebise batho ka ’Muso oa Molimo. (Mat 24:​14) Lokisa maemo a hao e le hore u tle u sebetse ka matla letšolong lena. Bao e tla ba bo-pula-maliboho ba thusang ba ka khetha hore na ba tla sebetsa lihora tse 30 kapa tse 50 khoeling eo.

Balla batho ba bangata ka hohle kamoo u ka khonang lengolo le buang ka ’Muso oa Molimo. Ha u khetha lengolo, leka ho nahana ka hore na bamameli ba hao ke ba bolumeli bofe. Haeba motho e mong a thabela moqoqo oa lona ka lekhetlo la pele, mo fe Molula-qhooa oa No. 2 2020. Khutlela ho motho eo ka pele kamoo u ka khonang ebe u leka ho qala thuto ea Bibele u sebelisa sengoliloeng se hlahang tlas’a Teaching Toobox. Ho setse nako e seng kae ’me Molimo o tla tlisa ’Muso oa hae o tla felisa mebuso eohle e sa etseng thato ea hae. (Dan 2:​44; 1Ko 15:​24, 25) Ka lebaka leo, ha re nkeng monyetla ona ho bontša hore re tšepahalla Jehova le ’Muso oa hae.