Bontša Lerato ka Lapeng

Lerato ke sekhomaretsi se kopanyang lelapa. Ha ho se na lerato ka lapeng, litho tsa lelapa li ke ke tsa momahana le ho sebelisana hantle. Banna, basali le batsoali ba ka etsa’ng hore ho be le lerato ka lapeng?

Monna ea lerato o nahanela maikutlo a mosali oa hae, lintho tseo a li hlokang le litlhahiso tsa hae. (Ef 5:28, 29) O tla hlokomela lelapa la hae ka lintho tseo le li hlokang e le hore le phele, a be a le thuse ho rata Jehova ka hore a tšoare Borapeli ba Lelapa kamehla. (1 Ti 5:8) Mosali ea lerato o tla ikokobelletsa monna oa hae le ho bontša hore o na le “tlhompho e tebileng” ho eena. (Ef 5:​22, 33; 1 Pe. 3:​1-6) Banyalani ba lokela ho tšoarelana ho tsoa pelong. (Ef 4:​32) Batsoali ba lerato ba tsotella ngoana e mong le e mong oa bona ebile ba ba ruta ho rata Jehova. (De 6:​6, 7; Ef 6:4) Ke liphephetso life tseo bana ba kopanang le tsona sekolong? Ba etsa’ng ha ba hatelloa ke lithaka tsa bona? Ha ho na le lerato ka lapeng, e mong le e mong o tla ikutloa a sireletsehile.

SHEBELLANG VIDEO EA TSOELAPELE HO BONTŠA LERATO KA LAPENG EBE LE ARABA LIPOTSO TSE LATELANG:

• 

  Monna ea lerato o bontša joang hore o rata mosali oa hae?

• 

  Mosali ea lerato o bontša joang hore o hlompha monna oa hae ka ho tebileng?

• 

  Batsoali ba lerato ba ruta bana ba bona Lentsoe la Molimo joang?