PHELA JOALOKA MOKRESTE

Thusa Batho ba sa Lumeleng ho Molimo ho mo Tseba

Na u ee u utloe u tšaba ho bua ka Bibele le batho ba sa lumeleng ho Molimo hobane u nahana hore ba ke ke ba mamela? Haeba ho joalo, hopola hore batho ba bangata ba neng ba sa lumele ho Molimo ho akareletsa le ba neng ba sa lumele hore o teng e ile ea e-ba Lipaki tsa Jehova. Maemong a mangata seo ba neng ba se hloka ke ho ithuta bopaki bo ba kholisang hore Molimo o teng.—Bar 1:20; 10:14.

SHEBELLANG VIDEO EA HOPOLA HORE BATHO BA SE NANG TUMELO BA KA BA LE EONA—BATHO BAO ESENG BALUMELI EBE LE ARABA POTSO E LATELANG:

Se etsahalletseng Mor’abo rona Tommaso se u thusa joang hore u nolofalloe ke ho bua ka Bibele le batho ba sa lumeleng ho Molimo?

Karabo ea hao

Kamoo u ka etsang sena kateng

Ha u bua le motho ea sa lumeleng ho Molimo, e-ba mosa, u be bohlale ’me u bontše hore u amehile ka hore na ke hobane’ng ha a ikutloa joalo ka taba eo. (2Ti 2:24) Bua ka lintho tse ka hapang thahasello ea hae. Na oa lumela hore le buisane ka bopaki bo kholisitseng batho ba bangata hore Molimo o teng? Haeba ho joalo, sebelisa lingoloa le livideo tse reretsoeng ho thusa batho hore ba lumele hore Molimo o teng. Libukana tse kang Na Lintho Tse Phelang li Bopiloe? le The Origin of Life—Five Questions Worth Asking li kentsoe ka har’a Lithulusi Tsa ho Ruta e le hore li ka fumaneha habonolo.

Ka linako tse ling u ka tšaba ho pakela motho ea sa lumeleng ho Molimo. Kopa thuso ho mohoeletsi ea nang le boiphihlelo. Hopola hore Jehova a ka u thusa ho finyella lipelo tsa batho ba thahasellang ho ithuta ka eena le haeba qalong ba ne ba sa lumele hore o teng.—Lik 13:48.