Na Lipaki Tsa Jehova ke Lequloana la Amerika?

Ntlo-khōlō ea rōna e United States of America. Empa ha re lequloana la Amerika ka mabaka a latelang:

• Ba bang ba hlalosa lequloana e le sehlopha se tsoileng bolumeling bo bong. Lipaki Tsa Jehova ha li tsoe bolumeling bo bong. Ho e-na le hoo, re nka hore re tsosolositse Bokreste bo neng bo lateloa lekholong la pele la lilemo.

• Lipaki Tsa Jehova li etsa tšebeletso ea tsona ka mafolofolo linaheng tse fetang 230. Ho sa tsotellehe hore na re lula hokae, re tšepahalla Jehova Molimo le Jesu Kreste, eseng ’muso oa United States kapa ’muso leha e le ofe oa batho.—Johanne 15:19; 17:15, 16.

• Lithuto tsohle tsa rōna li thehiloe Bibeleng, eseng mangolong a moeta-pele ea itseng oa bolumeli oa United States.​—1 Bathesalonika 2:13.

• Re latela Jesu Kreste, eseng moeta-pele leha e le ofe oa motho.—Matheu 23:8-10.