Na ho Becha ke Sebe?

Karabo ea Bibele

Le hoja lentsoe la Molimo le sa bue haholo ka ho becha, ho hlahloba melao-motheo ea Bibele ho ka re thusa ho hlokomela hore ho becha ke sebe.​—Baefese 5:​17.a

• Ho becha ho susumetsoa ke meharo ’me Molimo o hloile meharo. (1 Bakorinthe 6:​9, 10; Baefese 5:​3, 5) Batho ba bechang ba batla ho ithuisa ka batho ba bang ’me sena ke phoso hobane Bibele e re motho a se ke a lakatsa lintho tsa motho e mong.​—Exoda 20:17; Baroma 7:7; 13:​9, 10.

• Ho becha le ka chelete e nyenyane ho ka etsa hore motho a be le lerato le feteletseng la chelete.​—1 Timothea 6:​9, 10.

• Batho ba bechang ba tšepa litumela-khoela le mahlohonolo. Leha ho le joalo, Molimo o nka seo e le borapeli ba litšoantšo bo khahlanong le borapeli ba hae.​—Esaia 65:11.

• Bibele e khothalletsa batho ho sebetsa ka thata ho e-na le ho batla ho fumana lintho feela. (Moeklesia 2:​24; Baefese 4:​28) Batho ba sebelisang keletso ea Bibele ba tla ‘ja lijo tseo ba li sebelelitseng.’​—2 Bathesalonika 3:​10, 12.

• Ho becha ho susumetsa tlholisano ’me Bibele e khahlanong le tlholisano.​—Bagalata 5:​26.