Naletsana

a Litsebi li re bana ba bangata ba hlekefelitsoeng ba ba le matšoao a bontšang hore ho na le phoso e itseng, le hoja ba sa bue. Ka mohlala, haeba ka tšohanyetso ngoana a se a khutlela mokhoeng oo a neng a se a o tlohetse, o kang ho sesetsa likobong, ho se batle ho khaohana le batsoali, kapa ho tšaba ho ba mong, e ka ’na eaba o fana ka matšoao a hore ho na le ntho e tebileng e mo utloisang bohloko. Matšoao a joalo ha aa lokela ho nkoa e le bopaki ba hore joang kapa joang ngoana o hlekefelitsoe. Ka bonolo etsa hore ngoana a phutholohe ho u bolella hore na o tšoenngoa ke eng, e le hore u tsebe ho mo tšelisa, ho mo kholisa hore oa mo rata le ho mo sireletsa.