Naletsana

b Litho tse hlano tsa Komiti ea Tlhophiso joalokaha li thontsoe lengolong la Russell le hlalosang thato ea mofu e ne e le William E. Page, William E. Van Amburgh, Henry Clay Rockwell, E. W. Brenneisen, le F. H. Robison. Ho phaella moo, ba bang ba ile ba thonngoa bakeng sa ho koala likheo—A. E. Burgess, Robert Hirsh, Isaac Hoskins, G. H. Fisher, J. F. Rutherford, le John Edgar. Leha ho le joalo, Page le Brenneisen ba ile ba itokolla mosebetsing ka potlako—Page o ile a itokolla hobane o ne a ke ke a lula Brooklyn, ’me Brenneisen (hamorao le ile la ngoloa ka tsela e fapaneng e le Brenisen) o ile a itokolla hobane o ne a lokela ho fumana mosebetsi oa boipheliso bakeng sa ho phelisa lelapa la hae. Rutherford le Hirsh, bao mabitso a bona a neng a thathamisitsoe ho Molula-Qhooa (oa Senyesemane) oa December 1, 1916, ba ile ba nka libaka tsa bona e le litho tsa Komiti ea Tlhophiso.