Naletsana

f Ha ho atolosoa linako tsena tse amanang ho ea pele, ho ile ha boleloa hore ho etsoa ha Jerusalema lesupi ka 70 C.E. (lilemo tse 37 ka mor’a hore barutuoa ba Jesu ba mo thoholetse joaloka morena ha a kena Jerusalema a kaletse) ho ka ’na ha supa ho 1915 (lilemo tse 37 ka mor’a 1878) bakeng sa tlhōrō ea morusu o bontšang ho hloka molao oo ba neng ba nahana hore Molimo o ne a tla o lumella e le mokhoa oa ho felisa mekhatlo ea lefatše e leng teng. Linako tsena li ile tsa hlaha likhatisong tse phetiloeng hape tsa Studies in the Scriptures. (Bona Moqolo II, maqephe 99-101, 171, 221, 232, 246-7; bapisa khatiso e phetiloeng hape ea 1902 le likhatiso tsa pelenyana, tse kang khatiso ea 1914 ea Millennial Dawn.) Ho bona ho ne ho bonahala eka sena se lumellana hantle le se neng se hatisitsoe mabapi le hore selemo sa 1914 se tšoaea ho fela ha Linako tsa Balichaba.