Naletsana

e Taba ea hore banna bana ba ne ba kentsoe teronkong ka ho hloka tōka, le hore ba ne ba se na molato, ho bontšoa ke ’nete ea hore J. F. Rutherford o ile a lula e le setho sa babuelli ba molao ba Lekhotla le Phahameng la United States ho tloha ha a amoheloa ka May 1909 ho fihlela lefung la hae ka 1942. Linyeoeng tse 14 tsa boipiletso Lekhotleng le Phahameng ho tloha ka 1939 ho fihlela ka 1942, J. F. Rutherford e ne e le e mong oa babuelli ba molao. Linyeoeng tse tsejoang e le Schneider v. State of New Jersey (ka 1939) le Minersville School District v. Gobitis (ka 1940), eena ka boeena o ile a bua ka pel’a Lekhotla le Phahameng. Hape, nakong ea Ntoa ea II ea Lefatše, A. H. Macmillan, e leng e mong oa banna ba ileng ba kenngoa teronkong ka phoso ka 1918-19, o ile a amoheloa ke mookameli oa Tsamaiso e khōlō ea Literonko e le moeti oa ka mehla oa literonko tse khōlō tsa United States bakeng sa ho hlokomela lithahasello tsa moea tsa bahlankana ba neng ba le moo ka baka la boemo ba Bokreste ba ho se nke lehlakore.