Naletsana

c Kosepeleng ea Luka, liteko tse tharo tsa Satane ha lia ngoloa ka tatellano empa bukeng ea Matheu teng ho bonahala li ngotsoe ka tatellano. Ho entsoe joalo ka mabaka ana a mararo: (1) Bukeng ea Matheu moo ho buuoang ka teko ea bobeli, ho qaliloe ka lentsoe la Segerike le bolelang “eaba” e leng ntho e bontšang hore teko ena e ne e tla ka mor’a ea pele. (2) Makhetlong a mabeli a pele ha Satane a leka Jesu, o ile a tla ho eena a ikhakantse a qala ka mantsoe a reng, “Haeba u mora oa Molimo.” Kahoo, hoa utloahala hore liteko tsena tse peli li ne li ka hlahlangoa ke ena ea boraro moo Satane a seng a mo toba ka ho mo leka hore a tlole molao oa Molimo. (Ex. 20:2, 3) (3) Ka mor’a hore Satane a leke Jesu ka lekhetlo la boraro, Jesu o ile a re: “Tloha Satane!” Ke ntho e utloahalang hore Jesu o ne a ka bua mantsoe ao hobane e ne e se e le lekhetlo la ho qetela Satane a mo leka.—Mat. 4:5, 10, 11.