Naletsana

b Baholo ba ka phuthehong ea Bokreste ba ikarabella ho sebetsana le litlōlo tsa molao oa bomolimo, joaloka ho utsoa, ho bolaea le boitšoaro bo bobe. Empa Molimo ha a ka a hloka hore baholo ba phutheho ba hatise melao le melaoana ea Sesare. Kahoo, Pauluse ha a ka a ikutloa a qobellehile ho isetsa bahlanka ba ’muso oa Roma Onesima eo e neng e le mophaphathehi molaong oa Roma. (Filemone 10, 15) ’Nete ke hore haeba motho a tlōla molao oa lefatše ka boomo, a iphumanela botumo bo bobe ba hore ke motlōli oa molao, e ke ke ea e-ba mohlala o motle ’me a ka ba a ’na a khaoloa. (1 Timothea 3:2, 7, 10) Haeba ho tlōla molao ho kenyellelitse lefu la e mong, a ka ’na a ba le molato oa mali o hlokang phuputso ea phutheho.