Naletsana

a Bakreste ba bang ba sebetsang lipetlele ba ile ba tlameha ho hlahloba taba ena ea ho ba ea ikarabellang. Ngaka e ka ’na ea ba le boikarabelo ba ho odara meriana bakeng sa ho tla phekola mokuli. Le haeba mokuli a se na khanyetso ea letho, ke joang ngaka ea Mokreste e ikarabellang e ka laelang hore motho a tšeloe mali kapa a ntšoe mpa, empa e tseba seo Bibele e se bolelang litabeng tse joalo? Ho fapana le seo, mooki ea hiriloeng sepetlele a ka ’na a se ke a ba le boikarabelo bo joalo. Ha a ntse a phetha mesebetsi ea kamehla, ngaka e ka ’na ea mo laela hore a etse tlhahlobo ea mali ka morero o itseng kapa hore a hlokomele mokuli ea tlileng ho tla ntša mpa. Tumellanong le mohlala o tlalehiloeng ho 2 Marena 5:17-19, a ka ’na a etsa qeto ea hore kaha ha se eena ea nang le boikarabelo ba ho fana ka taelo ea hore ho tšeloe mali kapa ea hore mpa e ntšoe, a ka tsoela pele ka tšebeletso ea botho ho mokuli. Ke ’nete hore o ntse a tla tlameha ho nahanela letsoalo la hae e le hore ‘a itšoare ka letsoalo le hloekileng ka pel’a Molimo.’—Liketso 23:1.