Naletsana

a Ha Lipaki tsa Jehova li buella ’Muso oa Molimo, ha li kenyelletse lipolotiki kapa hona ho fehla bofetoheli khahlanong le mebuso ea lefatše, esita le linaheng tseo Lipaki li thibetsoeng kapa li hlorisoang ho tsona. (Tite 3:1) Ho e-na le hoo, li leka ho tlatsetsa ka tsela e molemo, ea moea le eo e seng ea lipolotiki joaloka Jesu le barutuoa ba hae ba lekholong la pele la lilemo. Lipaki li ikitlaelletsa ho thusa batho ba sekametseng ho lokeng ba metseng e fapa-fapaneng eo li lulang ho eona hore ba amohele mekhoa ea bohlokoa ea Bibele e kang lerato la lelapa, botšepehi, boitšoaro bo hloekileng le mekhoa e metle ea ho sebetsa. Ntho e ka sehloohong, li leka ho ba ruta kamoo ba ka latelang melao-motheo ea Bibele le ho lebella ’Muso oa Molimo e le tšepo ea sebele ea moloko oa batho.