• O Ile a Emela Batho ba Molimo
    Etsisa Tumelo ea Bona

    • 22. Ke hobane’ng ha Esthere a ne a tšaba ho hlaha ka pel’a morena, e leng monna oa hae? (Sheba le mongolo o botlaaseng ba leqephe.)

      22 E tlameha ebe Esthere o ile a ikutloa a sehoa ke mala ha a utloa molaetsa oo. Ena e ne e le teko e khōlō ka ho fetisisa ea tumelo ea hae. O ne a tšaba, joalokaha ho bonahala karabong eo a ileng a e fa Mordekai. O ile a mo hopotsa ka molao oa morena. Motho ea hlahang ka pel’a morena a sa mo bitsa o ne a ka bolaoa. O ne a ka pholoha feela haeba morena a ka mo nanabeletsa lere la borena la khauta. Na Esthere o ne a ka lebella hore a hauheloe joalo, haholo-holo ka mor’a se neng se sa tsoa etsahalla Vashti ha a ne a hana ho hlaha ha morena a mo bitsa? O ile a bolella Mordekai hore ho se ho fetile matsatsi a 30 morena a sa mo bitse! Seo se ne se ka etsa hore a nahane hore kaha morena o ne a mo hlokomolohile joalo, mohlomong morena o se a fetotse maikutlo ka eena.e—Esth. 4:9-11.

  • O Ile a Emela Batho ba Molimo
    Etsisa Tumelo ea Bona

    • e Xerxese I o ne a tsebahala ka hore ke motho ea feto-fetohang le ea mabifi. Rahistori oa Mogerike, Herodotus, o ile a ngola ka mehlala e itseng ea lintoa tseo Xerxese a ileng a li loana le Greece. Morena o ile a fana ka taelo ea hore ho hahuoe borokho bo tšehelitsoeng ke likepe mochophorong oa Hellespont. Ha sefefo se senya borokho boo, Xerxese o ile a laela hore lienjiniere li khaoloe lihlooho a ba a etsa hore banna ba hae ba fe Hellespont “kotlo” ka ho shapa metsi ha a ntse a rohakoa ka lentsoe le phahameng. Nakong ea lintoa tsona tseo, ha monna e mong ea ruileng a kōpa hore mora oa hae a se ke a kenngoa lebothong, Xerxese o ile a re mora eo a khaoloe likoto tse peli ’me ’mele oa hae o behoe pooaneng e le temoso.