Bala likhaolo 7 le 8. ’Mokelli o nahana ka phello ea lefu e llisang (7:1-4) le bohlokoa ba bohlale (7:11, 12, 16-19); o boetse o lemosa ka mosali e mobe (7:26). Ho fanoa ka keletso litabeng tse kang ho sebetsa ka bohlale malebana le babusi (8:2-4) le ho se khoboheloe ka baka la ho hloka toka.—8:11-14.

Thuto ho Rōna: Le hoja ho ba bangata matlotlo a bonahalang a fetohile pakane bophelong, ke bohlale ba bomolimo feela bo ka isang bophelong bo sa feleng. (7:12; Luka 12:15) Ho hopola ‘matsatsi a monate a pele’ ho ke ha etsa hore lintho li be molemonyana bakeng sa rōna (7:10). Ho e-na le hoo, litaba tsa rōna li tla “tsamaea hantle” haeba feela re tsoela pele ho tšaba Molimo.—8:5, 12, NW.