¹⁸ Ho theolela “letlooa le huloang . . . leoatleng.” Letlooa le emela mosebetsi oa ho bolela ka ’Muso o ntseng o etsoa ho pholletsa le leoatle, le emelang batho. Ho “bokella litlhapi tsa mofuta o mong le o mong.” Litaba tse molemo li ratoa ke batho ba mefuta eohle—ba nkang bohato hore e be Bakreste, hammoho le ba bangata bao qalong ba bontšang thahasello empa ba sa nke bohato ba ho emela borapeli bo hloekileng.e Ho bokella “tse ntle lijaneng.” Batho ba tšepahalang ba bokelloa ka liphuthehong tse tšoantšetsoang ke lijana ’me ba etsetsa Jehova borapeli bo hloekileng. Ho lahla litlhapi “tse sa lokang.” Ho pholletsa le matsatsi a ho qetela, Kreste le mangeloi a hae ba ’nile ba arola “ba khopo har’a ba lokileng.”f Ka lebaka leo, batho ba khopo—bao mohlomong ba sa ikemisetsang ho lahla mekhoa le litumelo tse fosahetseng—ha baa lumelloa ho silafatsa phutheho.g