• U ka ’na Ua Rua Mor’eno
    Molula-Qhooa—1999 | October 15

    • 5, 6. Ka moelelo oa seo ho buuoang ka sona, Matheu 18:15 e ne e bolela libe tsa mofuta ofe, ’me ke eng se bontšang seo?

      5 Ho bua ’nete, seo Jesu a neng a eletsa ka sona se ama litaba tse tebileng haholoanyane. Jesu o ile a re: “Haeba mor’eno a etsa sebe.” Ka kutloisiso e batsi, “sebe” e ka ba phoso leha e le efe kapa tšito. (Jobo 2:10; Liproverbia 21:4; Jakobo 4:17) Leha ho le joalo, taba eo ho buuoang ka eona e fetisa maikutlo a hore sebe seo Jesu a neng a bua ka sona e tlameha ebe e ne e le se tebileng. Se ne se tebile hoo se neng se ka etsa hore moetsalibe a talingoe “feela joaloka motho oa lichaba le joaloka ’mokelli oa lekhetho.” Polelo eo e fana ka maikutlo afe?

      6 Barutuoa ba Jesu ba neng ba utloa mantsoe ao ba ne ba tseba hore batho ba naha ea habo bona ba ne ba ke ke ba thabela setsoalle le Balichaba. (Johanne 4:9; 18:28; Liketso 10:28) Ha ho pelaelo hore ba ne ba qoba balekhetho, banna ba neng ba tsoetsoe e le Bajuda empa ba iphetotse batlatlapi ba batho. Ho bua ’nete, seo ho buuoang ka sona ho Matheu 18:15-17 se ne se ama libe tse tebileng, eseng ho khopisoa kapa ho hlabehisoa hoo u ka ho tšoarelang motho ’me oa ho lebala.—Matheu 18:21, 22.a

  • U ka ’na Ua Rua Mor’eno
    Molula-Qhooa—1999 | October 15

    • a Cyclopedia ea McClintock le Strong e re: “Balekhetho ba [Testamente] e Ncha ba ne ba nkoa e le baeki le bakoenehi, e le ba silafalitsoeng ke ho tsoaka-tsoakana hangata le bahetene hape e le mahlahana a ikemiselitseng a mohatelli. Ba ne ba behoa sehlopheng se le seng le baetsalibe . . . Kaha ba ne ba khetholloa ka tsela eo, batho ba itlhomphang ba ne ba sa thabele setsoalle le bona, ba ne ba fumana metsoalle feela har’a ba neng khesoa joaloka bona.”