Jesu oa qala: “Motho oa horeng o na a na le bara ba babeli. E monyenyane oa bona a re ho ntat’ae: Ntate, mphe karolo ea letlotlo ee e tla ba ea ka. ’Me [ntate] a ba arolela lintho tsa hae.” Mora eo e monyenyane o etsa eng ka seo a se amohelang?

Ntho e lokelang ho nahanisisoa ke ena: Haeba ntate oa hae a ne a mo fetohetse ’me a ile a mo ja ka bohale ha a tloha lapeng, ha ho bonahale mora a ne a ka ba le mohopolo o le mong hakaalo mabapi le seo a lokelang ho se etsa. O ne a ka’na a rera ho khutla le ho leka ho fumana mosebetsi kae-kae naheng ea habo a le hore a se ke a teanya mahlo le ntat’ae. Leha ho le joalo, ha a ka a ba le khopolo e joalo ka kelellong ea hae. O ne a ipatla lapeng!