• “Hore le Tsebe Lerato la Kreste”
    Atamela ho Jehova

    • “Ntate, u ba Tšoarele”

      16. Ho ikemisetsa ha Jesu ho tšoarela ho ile ha totobala joang le ha a se a le palong eo a neng a tl’o bolaeloa ho eona?

      16 Jesu o ne a bonahatsa ka ho phethahetseng lerato la Ntate oa hae ka tsela e ’ngoe ea bohlokoa. O ne a “ikemiselitse ho tšoarela.” (Pesaleme ea 86:5) Boikemisetso bona ba hae bo ile ba totobala le ha a se a le palong eo a neng a tl’o bolaeloa ho eona. Jesu o ile a re’ng ha a le makhatheng a ho shoa lefu le tlotlollang, a khokhothetsoe ka lipekere matsohong le maotong? Na o ile a ipiletsa ho Jehova hore a otle babolai ba hae? Che, ho e-na le hoo, a mang a mantsoe a ho qetela ao Jesu a ileng a a bua ke a reng: “Ntate, u ba tšoarele hobane ha ba tsebe hore na ba etsa’ng.”—Luka 23:34.b

  • “Hore le Tsebe Lerato la Kreste”
    Atamela ho Jehova

    • b Karolo e qalang ea Luka 23:34 e siiloe ka thoko libukeng tse ling tsa boholo-holo tse ngotsoeng ka letsoho. Leha ho le joalo, kaha mantsoe ana aa fumaneha libukeng tse ling tse ngata tse ngotsoeng ka letsoho tse amohelehang, a kenyelelitsoe ho Bibele—Phetolelo ea Lefatše le Lecha le liphetolelong tse ling tse ngata. Ho ka etsahala hore Jesu o ne a bua ka masole a Baroma a mo bolaileng. A ne a sa tsebe seo a se etsang, a sa tsebe hore na ha e le hantle Jesu ke mang. Mohlomong hape o ile a nahana ka Bajuda bao hamorao ba neng ba tla lumela ho eena le hoja ba ile ba etsa hore a bolaoe. (Liketso 2:36-38) Ke ’nete hore baeta-pele ba bolumeli ba ileng ba hlohlelletsa hore a bolaoe ba ne ba hlile ba le molato, kaha ba ile ba etsa seo ka boomo le ka bokhopo. Ba bangata ba bona ba ne ba ke ke ba tšoareloa.—Johanne 11:45-53.