-
Ho “Hola le ho Hlola” Har’a KhanyetsoHo Fana ka “Bopaki bo Hlakileng ka ’Muso oa Molimo”
-
-
“Ha Tsoha Moferefere o Moholo” (Liketso 19:23-41)
“Bo-ntate, lea tseba hore re ruile tjena ka lebaka la khoebo ena.”—Liketso 19:25
16, 17. (a) Hlalosa kamoo Demetriase a ileng a baka moferefere kateng Efese. (b) Baefese ba ile ba bontša joang hore ba chesehela bolumeli ka ho feteletseng?
16 Joale re hlokomela leqheka le leng la Satane mantsoeng a Luka a reng: “Ha tsoha moferefere o moholo ka lebaka la Tsela ea Morena.” O ne a sa feteletse litaba.e (Lik. 19:23) Monna ea bitsoang Demetriase ea etsang lintho tsa silevera o ile a baka moferefere. O ile a qala ka ho kenya batho ba bang ba etsang lintho tsa silevera moea, a ba hopotsa hore ba ruisitsoe ke ho rekisa melimo ea litšoantšo. Eaba o ba bolella hore molaetsa oa Pauluse o beha khoebo ea bona ka mosing, hobane Bakreste ha ba rapele litšoantšo. Joale, kaha o ne a tseba hore batho bao ba ne ba ikhantša ka ho ba baahi ba Efese le ka bochaba ba bona, o ile a ba lemosa hore molimotsana Artemise le tempele ea bona e tummeng lefatšeng lohle e ne e le kotsing ea ho “nkoa e se na thuso.”—Lik. 19:24-27.
-
-
Ho “Hola le ho Hlola” Har’a KhanyetsoHo Fana ka “Bopaki bo Hlakileng ka ’Muso oa Molimo”
-
-
e Ba bang ba re Pauluse o ne a bua ka ketsahalo ena ha a re ho Bakorinthe, “re ne re bile re sa kholiseha hore na re tla phela kapa che.” (2 Bakor. 1:8) Leha ho le joalo, mohlomong o ne a nahanne boemo bo bong bo neng bo le kotsi ho feta bona. Ha Pauluse a re “ke loanne le libata Efese,” mohlomong o ne a bua ka liphoofolo tse hlaha lebaleng la lipapali kapa a bolela batho ba neng ba mo hanyetsa. (1 Bakor. 15:32) Ho ka etsahala hore o ne a bolela libata tsa sebele kapa tsa tšoantšetso.
-