¹ Nako ea ho ikarabella e-ea atamela bakeng sa moloko ’ohle oa batho. Bibele e e bitsa “letsatsi la Jehova.” Ke nako ea ho lihuoa ha kahlolo ea bomolimo khahlanong le ba khopo; hape ke nako ea ho lopolloa ha ba lokileng. Batho bohle ba tla beng ba phela ka nako eo ba tla ikarabella bakeng sa tsela eo ba ileng ba phela ka eona. A nahanne ka sena, Petrose o phahamisa potso e fatang maikutlo: “Le tšoanela ho ba batho ba mofuta ofe”? O hatella bohlokoa ba ‘liketso tse halalelang tsa boitšoaro, liketso tsa boinehelo ba bomolimo, le ho lula re hopolela haufi letsatsi la Jehova,’ haesita le tlhokahalo ea ‘ho hloka letheba, ho hloka sekoli le ho ba khotsong.’—2 Pet. 3:11-14, NW.

⁴ Ho lula “re hopolela haufi” letsatsi la Jehova ho bolela ho le etsa ntho ea pele mehopolong ea rōna ea letsatsi le letsatsi, ho se mohla re le qhelelang thōko boemong boo e seng ba bohlokoa. Ho bolela ho beha lithahasello tsa ’Muso pele bophelong ba rōna.—Matt. 6:33.