Pina ea 91
Ho Rutoa ke Jehova
1. Re rutoa ke Molimo Jah
Ea romelang leseli
Ho linku tsohle lefatšeng
Ka pelo e telele.
A bohle ba ke ba tsebe:
Jehova ke Morena,
Eo ka lerato a rutang
bao bohle ba leng khabane.
Ha Jesu a ne a ruta,
E ’ne e le tloaelo.
Ho ruta joaloka Ntata’e
Le ho bontša mamello.
Joaloka Molis’a rōna
O batla ho re bokella
Le ho re thusa kamehla
Ho khumamela Jehova.
2. Jah o re fa le balisa
Ho ruta ka bohlale.
Ho ruta joalo ho bontša
Kamoo ba leng khabane.
Ba thusa le ba khathetseng
Ba eletsa ba thata.
Jah o’a thaba ha se rutoang
e le ’nete, se hloekile.
Moruti oa rōna ke Jah;
Mora o laola thuto.
Ho fihla ha ’nete pelong
Tsa rōna ke leruo.
Ha re e-na le lerato,
Re tla ruta ba bonolo
Ho hlompha ’Mōpi ka tieo
Re tle re putsoeng hammoho.
3. Tlong le’ithute ka Jehova,’
Eo ke memo ea rōna.
Ho teng tšebetso’a ho ruta
E tlang ho re pholosa.
Ka libuka le molomo
Litaba tsa ’Muso’a Jah
Li boleloa naheng tsohle
chabeng tsohle fatšeng lena.
Re le ba sebetsang ’moho
Le tumelong re hōle
Re tsebe linnete tse ncha
Re rute ka phehello.
Haufi Pusong ea Kreste
Ba tsohileng fatšeng lohle
E tla ba ba rutoang hape
Ho rua phelo ba ’nete.