Pina ea 177
Re Tšoanetse ho ba Batho ha Mofuta Ofe?
1. Re hopotse ka tsatsi le leholo la Jah.
Re rata eena le Mor’a hae oa Morena.
Bosiu bo ea sa, tsatsi le haufi,
Ho tla felisoa fatše la Satane.
Re falimeheleng ho rapela kamehla.
Re hloka thuso ea thapelo ho ba matla.
’Me ha re rapela Jah ka pelo eohle,
Eena o tla re fa khotso ea hae ea sebele.
2. Re tsejoa ka nyakallo le ka khotso’a rōna.
Ka baka lena ruri fatše lea makala.
Ka baka leo ketsong tse halalelang
E ka khona re be matla hakaakang!
Ka sebete re boleleng ka ’Mus’o tsoetsoeng
Le ka lefatše le lecha le tšepisitsoeng
Leo ho lona ho’a ba teng toka le khotso.
A re tiisetseng ho pakela ba bang ka ’Muso.
3. Re loanela ho’ipoloka re se na koli.
Ka hobane hoo ho khahla Jehova ’Mōpi.
Tšileng tsa sebe Jes’o re hlatsoitse
’Me re thabela khotso hona joale.
A re pheleng re se na koli le letheba;
Re bahlanka ba lokolotsoeng ba Jehova.
Ha re le haufi Le eena kamehla,
O tla re sireletsa, haa na ho re furalla.