Pina ea 150
Bohobe bo Tsoang Leholimong
1. Jehova ea holimo,
U lula u sa fetohe.
Lebitso la hao Ntate,
A le ke le halaletsoe.
Ua na ua lisa chaba
Sa hao sa Israele,
Ua se fepa ka manna
Joaloka bohobe.
’Me u ba nyorollotse
Ka metsi a tsoang lefikeng.
Ua ba isa Kanana,
E le mohlape’o thabileng.
2. Ka manna ho tšoantšitsoe
Mor’a oa hao ea lokileng.
O tetse khanya ea hae
Ho tla ntša batho bokhobeng.
Ka eona nama ea hae
Eo e leng bohobe,
O e ntse sehlabelo
Re tle re pholohe.
A re jeng ka tumelo
Bohobe boo re bo filoeng.
Ka ho bo ja kamehla,
Re’a ba batho ba hloekileng.
3. Re feng batho bohobe
Bo tsoang leholimong bona,
Re bo fe ‘nku’ tsa Kreste
Li se bolaoe ke tlala.
A re tsebiseng batho
Molimo oa ’nete,
Ba tle ba’o sebeletse
’Me ba se timetsoe.
Ha nto’a Harmagedone
E loanne ’me e fetile,
Re tla boka Jehova
Ha a re sirelelitse.