Pina ea 45
Thapelo ea Teboho
1. Jah, u lokeloa ke ho phahamisoa;
Re u binela ka mantso’a rōna.
Re tla ho uena, Ea utloang thapelo;
Re kōpa u re fe tšireletso.
Ntate re’u rapela ka pelo e ntle;
Ak’u tšoarele litlōlo tsohle.
Bona! re lokolohile ke Mora.
Joale, re batla u re rute Jah.
2. Ba memeloang mabaleng a tempele
Ba thaba ha ba bona leseli.
Lentsoe la hao ke tsamaiso ea rōna.
Mosa oa hao o’a re khotsofatsa.
Matla a hao a tšosang a lokile;
A tla felisa moferefere.
Jah oa poloko, re rorisa ’Muso;
U tla re neha mahlohonolo.
3. Mosa oa hao o’a re thabisa, Ntate;
’Me borapeli ba hao bo hohle.
’Muso oa hao o molemo haholo,
O tla hlakola masoabi, lefu.
Mora oa hao o tla senya bokhopo;
’Me pōpo e tla ba le boiketlo.
A re bineng ka ho thaba haholo;
’Me thoko li isoe ho Molimo.