Pina ea 138
Le Tsamaee le Molimo!
1. Le tsamaeeng le Molimo;
’Me le rateng mosa.
Tšepahallang ea Holimo;
O tla le fa matla.
Ha le tšepetse ho ’Mōpi
Ho le tataisa,
Le tla khomarela ’nete,
Le se ke la thetsoa.
2. Le tsamaeeng le hloekile;
Le se oele phosong,
Le mpe le khahlise ’Mōpi
’Me le hōle tsebong.
Le nahaneng lintho tse ntle,
Tsa ’nete le toka;
E le hore le mamelle,
Le tšepe Jehova.
3. Le tsamaeeng le Jehova,
’Me le be khabane.
O tla le hl’onolofatsa
Le thabe kannete.
Le tsamaee le Molimo
Le ’minele thoko.
Ka ho bolela ka ’Muso
Le tla fuoa thabo.