Pina ea 191

’Nete u e Fetole ea Hao

(2 Ba-Korinthe 4:2)

1. Ke tsel’a ’nete e molemo haholo.

E feta tse ling kaofela.

’Me Jes’o rutile ka tsela e khōlō,

Ea bohlokoa ea ho fana.

Phelela ’nete,

E tl’e bonoe ke bohle.

Ka boitšoaro ba hao bo botle,

U’ipaka u phelela ’nete (kamehla).

2. Ka ho hlompha Molimo le ho mo rata

Lefatše le tla u hloea.

Le batho ba sa lumeleng baa makala

Ha’u khethile tsela ena.

Phelela ’nete.

U furalle lefatše.

Ha u atamela Jehova,

U’ipaka u phelela ’nete (kamehla).

3. Diabolose k’eena sera sa rōna.

U tiee ho mo hanela.

Tumelo e matla e tla u boloka,

E u thuse ho mo hlōla.

Phelela ’nete.

Qoba mekho’a Satane.

Ha’u apara hlomo tsa moea,

U’ipaka u phelela ’nete (kamehla).

4. Nameng rea fokola ’me pelo li mano.

U loana le boetsalibe.

Khothala hobane Molim’o lerato,

O tla ’ne o u tšehetse.

Phelela ’nete.

U sesefe le bobe.

Ha u entse ’mele lekhoba,

U’ipaka u phelela ’nete (kamehla).