Pina ea 111
Khanya E-ea Eketseha
1. Khanya e tsoang Lentsoeng la Jah e’a hōla,
Ha’e phetse ho ’na’e tōta ha Tsatsi le tla (le atamela).
Ea koahollang ’nete tsa ’Muso ke Jah;
Ho rōna oa’ipiletsa: ‘Tlong ho mamela’ (’me le’ithute).
Babilona e saretsoe
Kaha re e furaletse.
’Net’ea ratoa
Le Krest’oa busa.
’Me leseli le khanya ho ea pele.
Ba lokileng ba sitsoa ka khany’a leseli,
Khany’a leseli.
2. Khanya tseleng ea toka ea’eketseha,
Jehova o phehella ho e’e eketsa (ka tlhokomelo).
Kutloisiso ea ’nete ea phuthulloa.
E haha le ho ruta ba batlang tōka (bokhabane).
Leha re’i nka re lahleha,
Re se ke ra thekesela,
Re tla tiea
Ha ’net’e hlaka.
Jah o roma seli ho tla re thusa.
Leseli le khanyang la hae le lona le teng,
Le lona le teng.
3.Tsel’a rōna ho hang ha e lefifi.
E Khanya ke linnete tse ka Bibeleng (tsa Molimo Jah).
Ka khany’a hae Molim’o bonesitse
’Me tsela e hlakile re se tšoenyeheng (le ka mohla).
’Nete ha e susutlelloe,
Ho hang re se ngongorehe.
Lulang tseleng
Ka ho sa feleng.
Haele khanya, ha’e phetse ho’eketseha
’Me le bona ba lokileng ba e thabela,
Ba e thabela.