ba thahasellang ho iphumanela lingoliloeng ba ka bolella mor’abo rōna ea sebetsanang le lingoliloeng. Re kōpa le hopole hore na ke lingoliloeng life tse etsetsoang kōpo e khethehileng.

◼ Lingoliloeng Tse Ncha Tse Fumanehang:

Pay Attention to Daniel’s Prophecy! (E Mongolo o Moholo)—Senyesemane, Sepotoketsi le Sechaena se Nolofalitsoeng (Pinyin)

New World Translation of the Holy Scriptures (e khōlō)—Sechaena se Nolofalitsoeng (Pinyin)

◼ Lik’hasete tse ncha tsa Video tse fumanehang:

Sing Praises to Jehovah—On Videocassette, Volume 3—Puo ea Matsoho ea Amerika

◼ Li-DVD tse ncha tse fumanehang: Sing Praises to Jehovah—On DVD, Volume 3—Puo ea Matsoho ea Amerika

Karolo ea 6: Ha Seithuti se Botsa Potso

Ho Khanna Lithuto Tsa Bibele Tse Tsoelang Pele

¹ Ha thuto ea Bibele e se e tsitsitse, hangata ho molemo ho hlahloba lithuto tsa Bibele ka ho latellana ho e-na le ho tloboka lihlooho. Sena se thusa seithuti ho haha motheo oa tsebo e nepahetseng le ho hatela pele moeeng. (Bakol. 1:9, 10) Leha ho le joalo, hangata liithuti li botsa lipotso ka litaba tse ngata nakong ea thuto. Li lokela ho sebetsoa joang?

² E-ba le Temoho: Hangata lipotso tse amanang le thuto li ka arajoa ka eona nako eo. Haeba potso eo e tla tšohloa hamorao bukeng e ithutoang, ho ka ’na ha lekana ho rialo feela. Leha ho le joalo, haeba potso e sa amane le thuto kapa e hloka ho etsetsoa lipatlisiso hore e tle e arajoe ka nepo, ho ka ’na ha e-ba molemo ho araba taba eo ka mor’a thuto kapa ka nako e ’ngoe. Ba bang ba hlokometse hore ho ngola potso ho kholisa seithuti hore potso ea sona e nkoa ka ho teba ’me ho etsa hore thuto e se ke ea tsoa lekoteng.

³ Lithuto tse ngata tsa Bibele li tšohloa hakhutšoanyane feela ka har’a lingoliloeng tsa rōna tse ithutoang. Ho thoe’ng haeba seithuti se thatafalloa ho amohela thuto e itseng kapa se khomaretse tumelo e itseng ea bohata? Ho ka ’na ha e-ba molemo ho hlahloba boitsebiso bo eketsehileng bo buang ka ho pharaletseng ka seo Bibele e se buang tabeng eo. Haeba seithuti se ntse se sa kholiseha, behang taba eo molatsa ’me le tsoele pele ka thuto e tloaelehileng. (Joh. 16:12) Ha tsebo ea sona ea Bibele e ntse e eketseha ’me se hatela pele moeeng, se ka ’na sa utloisisa thuto eo ea Bibele.

⁴ Ikokobetse: Haeba u sa kholiseha ka karabo ea potso, u se ke ua hakanya karabo. (2 Tim. 2:15; 1 Pet. 4:11) Hlalosa hore u tla batlisisa taba eo ’me u e arabe ha u khutla. Mohlomong u ka ba ua sebelisa monyetla oo ho ruta seithuti tsela ea ho etsa lipatlisiso. Se bontše hanyane ka hanyane tsela ea ho sebelisa likofuto tse fapa-fapaneng tsa lipatlisiso tse lokiselitsoeng ke mokhatlo o hlophisitsoeng oa Jehova. Ka tsela ena qetellong se tla khona ho iphumanela likarabo tsa lipotso tsa sona.—Lik. 17:11.

Tsela ea ho Buella Limakasine

Molula-Qhooa Feb. 15

“Ka linako tse ling, re utloa litlaleho tsa hore ho etsahetse mohlolo o itseng. [Bolela mohlala.] Batho ba bang ba lumela litlaleho tsena. Ba bang baa li belaella. Makasine ena e hlahloba hore na ha e le hantle mehlolo e tlalehiloeng ka Bibeleng e ile ea etsahala le hore na lintho tse joalo lia etsahala kajeno.” Bala Jeremia 32:21.

Molula-Qhooa Mar. 1

“Na u nahana hore lefatše e ne e tla ba sebaka se molemo hoja e mong le e mong o ne a sebelisa keletso ee? [Bala Baroma 12:17, 18. Ebe u emela karabo.] Ka masoabi, ka linako tse ling ho hlaha likhohlano. Makasine ena e bontša kamoo ho sebelisa keletso ea Bibele ho ka re thusang kateng ho rarolla likhohlano le ho bōpa khotso.”

Tsoha! Mar. 8

“Selemo se seng le se seng, tlhokahalo ea matla a lirafshoa e lula e eketseha. U nahana hore ho ne ho ka etsahala’ng haeba ka letsatsi le leng matla a lirafshoa ao re a hlokang a ka fela? [Emela karabo.] Makasine ena e tšohla khatelo-pele e seng e entsoe ea ho hlahisa mehloli e hloekileng ea matla a lirafshoa. E boetse e khetholla Mohloli oa matla ’ohle.” Bala Esaia 40:26.

Nehelano e ’ngoe: “Mehleng ea boholo-holo, Molimo o ile a laela bana hore ba hlomphe bo-’m’a bona le bo-ntat’a bona. [Bala Exoda 20:12.] Na u nahana hore kajeno bo-’mè ba hlomphuoa ka tsela e loketseng? [Emela karabo.] Makasine ena e hlahloba mathata ao bo-’mè linaheng tse fapaneng ba tobanang le ’ona le kamoo ba sebetsanang le ’ona kateng.”