Almanaka ea 2011 e Buella Borapeli ba Lelapa

Taba e ka sehloohong Almanakeng ea Lipaki Tsa Jehova ea 2011 ke Borapeli ba Lelapa. Almanaka ena e bua ka malapa a mehleng ena le a mehleng ea ha ho ne ho ngoloa Bibele. E boetse e na le litšoantšo tsa banyalani le tsa bahlanka ba Jehova ba masoha ba ithutang Lentsoe la hae.

Batho ba mehleng ea ha ho ne ho ngoloa Bibele ba bontšitsoeng mona, ba ne ba thabela molao oa Jehova, ’me seo se ba thusa ho sebetsana le mathata a bona a khethehileng. (Pes. 1:2, 3) Setšoantšo ka seng seo re tla se hlahloba, se tla re hopotsa hore Borapeli ba Lelapa ke ba bohlokoa, ebang re litho tsa lelapa le leholo kapa le lenyenyane, esita le ha litho tsa malapa li le bolumeling bo le bong kapa li se bolumeling bo le bong. Ho na le sekheo almanakeng ena moo le ka ngolang letsatsi leo lelapa la lōna le le khethileng hore le tla tšoara Borapeli ba Lelapa ka lona. Na le se le se tlatsitse?